വിധി നടപ്പിലാക്കാന്‍ ദേവസ്വം ബോര്‍ഡ് സാവകാശം തേടിയേക്കും

യുവതീ പ്രവേശന വിധി നടപ്പിലാക്കാന്‍ ദേവസ്വം ബോര്‍ഡ് സാവകാശം തേടിയേക്കുമെന്ന് സൂചന. ശബരിമലയിലെ യുവതീപ്രവേശവുമായി ബന്ധപ്പെട്ട് സംസ്ഥാനത്ത് വലിയ തോതിലുള്ള പ്രതിഷേധം നടക്കുന്നത് പരിഗണിച്ചാണ് ഈ നീക്കം. ദേവസ്വം ബോര്‍ഡ് പ്രസിഡന്റ് എ. പത്മകുമാറും ദേവസ്വം മന്ത്രി കടകംപള്ളി സുരേന്ദ്രനും നിലയ്ക്കലില്‍ കൂടിക്കാഴ്ച നടത്തി. വിശ്വാസികളെ പരിഗണിച്ചായിരിക്കും ദേവസ്വം ബോര്‍ഡ് അന്തിമ തീരുമാനത്തിലെത്തുക എന്ന് ബോര്‍ഡ് പ്രസിഡന്റ് നേരത്തെ വ്യക്തമാക്കിയിരുന്നു. പുനഃപരിശോധനാ ഹര്‍ജികള്‍ ജനുവരി 22 ന് പരിഗണിക്കാനിരിക്കെ ഈ മണ്ഡല മകരവിളക്ക് കാലത്ത് യുവതീ പ്രവേശം അനുവദിക്കരുതെന്നും വിധി നടപ്പിലാക്കാന്‍ സാവകാശം വേണമെന്നും ദേവസ്വം ബോര്‍ഡ് സുപ്രീം കോടതിയില്‍ ആവശ്യപ്പെടുമെന്നാണ് ഇപ്പോള്‍ പുറത്തുവരുന്ന റിപ്പോര്‍ട്ടുകള്‍. ഇതേകുറിച്ച് ഔദ്യോഗിക സ്ഥിരീകരണങ്ങളൊന്നും ലഭിച്ചിട്ടില്ല.

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top