ശബരിമലയിലെ സംഘര്‍ഷാവസ്ഥ; തീര്‍ത്ഥാടനം പൂര്‍ത്തിയാക്കാതെ ഇതര സംസ്ഥാനത്തുനിന്നുള്ള സംഘം മടങ്ങുന്നു

ശബരിമലയില്‍ സംഘര്‍ഷാവസ്ഥ നിലനില്‍ക്കുന്നതിനാല്‍ തീര്‍ത്ഥാടനം പൂര്‍ത്തിയാക്കാതെ ഇതര സംസ്ഥാനത്തുനിന്നുള്ള ഒരു സംഘം മടങ്ങിപോകുന്നു. 110 പേരടങ്ങുന്ന സംഘമാണ് തിരിച്ചുപോകുന്നത്. എരുമേലിയില്‍ വച്ചാണ് യാത്ര റദ്ദാക്കിയത്. മുംബൈയില്‍ നിന്ന് എത്തിയ സംഘത്തില്‍ മലയാളികളുമുണ്ട്. ശബരിമല യാത്ര റദ്ദാക്കിയ ഇവര്‍ ആര്യന്‍കാവ് അയ്യപ്പ ക്ഷേത്രത്തിലേക്ക് പോകാനാണ് തീരുമാനിച്ചിരിക്കുന്നത്.