ശബരിമലയിലെ നിരോധനാജ്ഞ ഇന്ന് അവസാനിക്കും

ശബരിമലയിലെ നിരോധനാജ്ഞ ഇന്ന് അവസാനിക്കും. നിരോധനാജ്ഞ വീണ്ടും തുടരണോ എന്ന കാര്യത്തിൽ പോലീസ് തീരുമാനം ഇന്ന് ഉണ്ടായേക്കും. സന്നിധാനം , പമ്പ, നിലയ്ക്കൽ, ഇലവുങ്കൽ എന്നിവിടങ്ങളിലാണ് നിലവിൽ നിരോധനാജ്ഞ.

ഇന്നലെ നടന്ന നാമജപ യജ്ഞങ്ങളൊന്നും പ്രതിഷേധത്തിലേക്ക് കടന്നില്ല. അതേസമയം, വലിയ നടപന്തലിൽ അവശേഷിക്കുന്ന നിയന്ത്രണങ്ങൾ മാറ്റുന്നതിനെ കുറിച്ച് പരിഗണിക്കുമെന്ന് പോലീസ് അറിയിച്ചതായി കേന്ദ്രമന്ത്രി പൊൻ രാധാകൃഷ്ണൻ ഇന്നലെ അറിയിച്ചിരുന്നു.