ശബരിമല ദര്‍ശനത്തിന് യുവതികള്‍ എത്തിയാല്‍ തടയണമെന്ന് ഇന്റലിജന്‍സ് റിപ്പോര്‍ട്ട്

ശബരിമല ദർശനത്തിനായി യുവതികളെത്തിയാൽ തടയണമെന്ന് പൊലീസിന് നിർദ്ദേശം. ഇന്റലിജൻസിന്റെ റിപ്പോർട്ടിന്റെ അടിസ്ഥാനത്തിലാണ് പുതിയ നിർദ്ദേശം. എവിടെ വെച്ചാണോ യുവതീപ്രവേശനത്തിനായി എത്തുന്നത് അവിടെ വെച്ചു തന്നെ തടയണം, ഒരു കാരണവശാലും യുവതികളെ ശബരിപാതകളിലേക്ക് പ്രവേശിപ്പിക്കരുതെന്നും കർശന നിർദ്ദേശം.

കോട്ടയം ഉൾപ്പടെയുള്ള സമീപ ജില്ലകൾക്കും നിർദ്ദേശം നൽകിയിട്ടുണ്ട്. മണ്ഡല പൂജ ആരംഭിക്കുന്നതിനാൽ അന്യസംസ്ഥാനങ്ങളിൽ നിന്നെത്തുന്ന ഭക്തരുടെ സുരക്ഷ കണക്കിലെടുത്താണ് തീരുമാനം.