‘വനിതാ മതിലിന് ശബരിമല വിഷയവുമായി നേരിട്ട് ബന്ധമില്ല’: മന്ത്രി ജി. സുധാകരന്‍

വനിതാ മതിലിന് ശബരിമല വിഷയവുമായി നേരിട്ട് ബന്ധമില്ലെന്ന് നയം വ്യക്തമാക്കി മന്ത്രി ജി.സുധാകരൻ. വനിതാ മതിലുമായി ബന്ധപ്പെട്ട വിവാദം വേണ്ടെന്നും ഇതിനെ രാഷ്ട്രീയമായി കൂട്ടി കുഴക്കുന്നത് ശരിയല്ലെന്നും സുധാകരൻ പറഞ്ഞു. വനിതാ മതിലിനായി നിർബന്ധിത പിരിവ് നടത്തുന്നു എന്ന വാർത്ത വാസ്തവ വിരുദ്ധമാണ്. അതേ സമയം വനിതാ മതിലുമായി ബന്ധപ്പെട്ട് എൻ.എസ് എസ് സ്വീകരിക്കുന്ന നിലപാട് ശരിയല്ലെന്നും ഇത് തിരുത്താൻ അവർ തയ്യാറാകണമെന്നും അദ്ദേഹം ആലപ്പുഴയിൽ മാദ്ധ്യമങ്ങളോട് പ്രതികരിച്ചു. എൻ.എസ്.എസ് അവരുടെ പാരമ്പര്യം മറക്കരുതെന്നും ജി.സുധാകരൻ ഓർമ്മിപ്പിച്ചു.