ഭക്തന്‍മാര്‍ക്കൊപ്പം തന്നെയാണ് സന്നിധാനത്തെത്തിയത്: ദര്‍ശനം നടത്തിയ ബിന്ദു

ഭക്തന്‍മാര്‍ക്കൊപ്പം തന്നെയാണ് സന്നിധാനത്തെത്തിയതെന്ന് ശബരിമല ദര്‍ശനം നടത്തിയ ബിന്ദു. താനും കനകദുര്‍ഗയും ഇന്ന് പുലര്‍ച്ചെ ഒന്നരയോടു കൂടി പമ്പയില്‍ നിന്ന് പുറപ്പെട്ട് മൂന്നരയോടു കൂടി സന്നിധാനത്ത് ദര്‍ശനം നടത്തി മലയിറങ്ങുകയായിരുന്നുവെന്ന് ബിന്ദു പറഞ്ഞു. ഭക്തന്‍മാര്‍ക്കൊപ്പം തന്നെയാണ് മല കയറിയതും ഇറങ്ങിയതും. ഭക്തന്‍മാരുടെ ഭാഗത്ത് നിന്ന് യാതൊരു പ്രശ്‌നവും തങ്ങള്‍ക്ക് നേരിട്ടില്ലെന്നും ബിന്ദു പറഞ്ഞു.

Read More: ഹര്‍ത്താലില്‍ അക്രമം നടത്തുന്നവരെ ഉടനടി അറസ്റ്റ് ചെയ്യാന്‍ ഡിജിപിയുടെ നിര്‍ദേശം

അതേസമയം, യുവതികള്‍ ശബരിമല ദര്‍ശനം നടത്തിയതില്‍ പ്രതിഷേധിച്ച് സംസ്ഥാനത്ത് നാളെ എ.എച്ച്.പിയുടെയും ശബരിമല കര്‍മസമിതിയുടെയും ഹര്‍ത്താല്‍. രാവിലെ ആറ് മുതല്‍ വൈകീട്ട് ആറ് വരെയാണ് ഹര്‍ത്താല്‍.