ശബരിമല നിരീക്ഷക സമിതിയെ തള്ളി സർക്കാർ ഹൈക്കോടതിയിൽ റിപ്പോർട്ട് നൽകി

ശബരിമല നിരീക്ഷക സമിതിയെ തള്ളി സർക്കാർ ഹൈക്കോടതിയിൽ റിപ്പോർട്ട് നൽകി. പത്തനംതിട്ട എസ് പിയാണ് സർക്കാരിന് വേണ്ടി റിപ്പോർട്ട് സമർപ്പിച്ചത്. യുവതികൾക്ക് സുരക്ഷയൊരുക്കുന്നത് മറ്റു ഭക്തരുടെ സുരക്ഷയെയും ദര്‍ശനത്തെയും ബാധിക്കുമെന്ന നിരീക്ഷക സമിതിയുടെ വിലയിരുത്തൽ തെറ്റെന്ന് റിപ്പോർട്ടിൽ പരാമർശമുണ്ട്. ശബരിമലയിൽ ചിലർ നിയമം കയ്യിലെടുത്തത് നിരീക്ഷക സമിതിയുടെ റിപ്പോർട്ടിലില്ല. ശബരിമല ക്ഷേത്രത്തിന്റെ ദൈനംദിന കാര്യങ്ങളിൽ തസമയം ഇടപെടാമായിരുന്നിട്ടും നിരീക്ഷക സമിതി നിർണായക സമയത്ത് സമിതി മൗനം പാലിച്ചുവെന്നും റിപ്പോർട്ട് കുറ്റപ്പെടുത്തുന്നു. നിരീക്ഷക സമിതി അപ്രായോഗികമായ നിർദ്ദേശങ്ങൾ മുന്നോട്ട് വെച്ചതായും വിമർശമുണ്ട്.