ലോക്‌സഭാ തെരഞ്ഞെടുപ്പ് ലക്ഷ്യംവച്ച് കോണ്‍ഗ്രസ്; രാഹുല്‍ കൊച്ചിയിലെത്തും
ലോക്‌സഭാ തെരഞ്ഞെടുപ്പിനുള്ള ഒരുക്കങ്ങള്‍ ദ്രുതഗതിയിലാക്കാന്‍ കെ.പി.സി.സി. 2019 ലോക്‌സഭാ തെരഞ്ഞെടുപ്പ് ഒരുക്കങ്ങള്‍ തീരുമാനിക്കാന്‍ നാളെ ഹൈക്കമാന്‍ഡ് യോഗം ചേരുമെന്ന് കെ.പി.സി.സി അധ്യക്ഷന്‍ മുല്ലപ്പള്ളി രാമചന്ദ്രന്‍. ഡല്‍ഹിയില്‍ മാധ്യമങ്ങളെ കാണുകയായിരുന്നു അദ്ദേഹം.
Read More: നെടുമങ്ങാട് ആർ എസ് എസ് ഓഫീസിൽ പൊലീസ് റെയ്ഡ്
ഈ മാസം 29 ന് രാഹുല്‍ ഗാന്ധി കൊച്ചിയിലെത്തും. 70 ശതമാനം ബൂത്തുകളും കെ.പി.സി.സി പുനഃസംഘടിപ്പിച്ചു. കേരളത്തിലെത്തുന്ന രാഹുല്‍ ഗാന്ധി പുതുതായി തെരഞ്ഞെടുക്കപ്പെട്ട ബൂത്ത് കമ്മിറ്റി അധ്യക്ഷന്‍മാരെ അഭിസംബോധന ചെയ്ത് സംസാരിക്കും. ഫെബ്രുവരി 3 മുതല്‍ തെരഞ്ഞെടുപ്പ് പ്രചരണ പരിപാടികള്‍ ആരംഭിക്കും. എ.കെ ആന്റണിയായിരിക്കും പ്രചരണ പരിപാടികള്‍ക്ക് പതാക കൈമാറി ഉദ്ഘാടനം നിര്‍വഹിക്കുക. യാത്രയുടെ ചുമതല യു.ഡി.എഫ് കണ്‍വീനര്‍ ബെന്നി ബെഹനാന് ആയിരിക്കുമെന്നും മുല്ലപ്പള്ളി പറഞ്ഞു.
Read More: കാത്തിരുന്ന ആ ട്രെയിലര്‍ എത്തി; പൃഥ്വിരാജിന്റെ നയണ്‍, ട്രെയിലര്‍ കാണാം
കെ.പി.സി.സി പുനഃസംഘടന ചര്‍ച്ചകള്‍ പൂര്‍ത്തിയായതായും അധ്യക്ഷന്‍ അറിയിച്ചു. കെ.പി.സി.സി പുനഃസംഘടനയുടെ അന്തിമ തീരുമാനം രാഹുല്‍ ഗാന്ധിയായിരിക്കും പ്രഖ്യാപിക്കുക. ഇക്കാര്യത്തില്‍ ജനുവരി 15 നകം അന്തിമ തീരുമാനം കൈക്കൊള്ളുമെന്നും മുല്ലപ്പള്ളി കൂട്ടിച്ചേര്‍ത്തു.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
