കെഎസ്ആര്‍ടിസി താൽക്കാലിക കണ്ടക്ടർമാരുടെ സമരം ഇന്ന് മുതല്‍

ജോലിയിൽ തിരിച്ചെടുക്കണം എന്നാവശ്യപ്പെട്ട് , പിരിച്ചുവിടപ്പെട്ട കെഎസ്ആര്‍ടിസി താൽക്കാലിക കണ്ടക്ടർമാർ ഇന്നു മുതൽ സമരം ആരംഭിക്കും. സെക്രട്ടറിയേറ്റ് പടിക്കൽ അനിശ്ചിതകാല ശയനപ്രദക്ഷിണം സമരമാണ് എംപാനൽ കൂട്ടായ്മ നടത്തുക. വിവിധ ജില്ലകളിൽനിന്നുള്ളവർ സമരത്തിൽ പങ്കാളികളാകും . രാവിലെ 10 മണിമുതൽ ആണ് സെക്രട്ടറിയേറ്റ് വളഞ്ഞ് കൊണ്ടുള്ള സമരം. ഹൈക്കോടതി വിധിയുടെ പശ്ചാത്തലത്തിൽ കഴിഞ്ഞ മാസം അണ് നാലായിരത്തോളം വരുന്ന താൽക്കാലിക ജീവനക്കാരെ കെഎസ്ആർടിസി പിരിച്ചുവിട്ടത് .