സവര്‍ണ ലോബി; ഒരു രാജാവും ചങ്ങനാശ്ശേരിക്കാരനും തന്ത്രിയും കൂടി കാര്യങ്ങള്‍ തീരുമാനിക്കുന്നുവെന്ന് വെള്ളാപ്പള്ളി

ശബരിമല സമരത്തിന് പിന്നില്‍ സവര്‍ണലോബിയാണെന്നും  കാര്യങ്ങള്‍ തീരുമാനിക്കുന്നത്‌  ഒരു രാജാവും  ഒരു ചങ്ങനാശ്ശേരിക്കാരനും തന്ത്രിയും കൂടിയാണെന്നും വെള്ളാപ്പള്ളി നടേശന്‍. സവര്‍ണലോബികള്‍ പ്രത്യേകമായി കൂടി തീരുമാനിച്ചാണ് കാര്യങ്ങള്‍ നടപ്പാക്കുന്നത്.

സെന്‍കുമാറിനെ കാണിച്ച് ഈഴവന്റെ എല്ലാ പ്രാതിനിധ്യവും ഉണ്ടെന്ന് കാണിക്കുന്നത് കൗശലബുദ്ധിയാണെന്നും വെള്ളാപ്പള്ളി പറഞ്ഞു. ഹിന്ദു ഐക്യം പറഞ്ഞു നടന്ന് പിന്നീട് പാര വെച്ച് മാറി നിന്നവരാണ് ഇന്ന് ഇതിനു മുന്നില്‍ ചാടി ഒറ്റയ്ക്ക് തീരുമാനങ്ങളെടുക്കുന്നത്. ശബരിമല വിഷയത്തില്‍ ആത്മീയതയെ മാര്‍ക്കറ്റ് ചെയ്ത് രാഷ്ട്രീയക്കാര്‍ കയ്യിലെടുക്കുകയാണ് ചെയ്തതെന്നും വെള്ളാപ്പള്ളി ആരോപിച്ചു.