പുറത്തു നിന്നുള്ള സി പി എം കേന്ദ്ര നേതാക്കള്‍ കേരളത്തില്‍ മത്സരിക്കില്ല: സീതാറാം യെച്ചൂരി

സംസ്ഥാനത്തിന് പുറത്ത് നിന്നുള്ള സി പി എം കേന്ദ്ര നേതാക്കള്‍ കേരളത്തില്‍ മത്സരിക്കില്ലെന്ന് ജനറല്‍ സെക്രട്ടറി സീതാറാം യച്ചൂരി. ലോക്‌സഭാ തെരഞ്ഞെടുപ്പിനുള്ള മുന്നൊരുക്കമായി സി പി എം എറണാകുളം ജില്ലാ കമ്മിറ്റി സംഘടിപ്പിച്ച ജനകീയ ഉച്ചകോടിയിലാണ് സീതാറാം യച്ചൂരി ഇക്കാര്യം പറഞ്ഞത്.

നാളെ വൈകീട്ട് നടക്കുന്ന സമാപന സമ്മേളനം മുഖ്യമന്ത്രി പിണറായി വിജയനാണ് ഉദ്ഘാടനം ചെയ്യുക. എം എ ബേബി, എസ് രാമചന്ദ്രന്‍ പിള്ള, തപന്‍ സെന്‍, മീരാ വേലായുധന്‍ എന്നിവര്‍ വിവിധ വിഷയങ്ങളില്‍ സംസാരിക്കും. ഇന്നും നാളെയുമായി നടക്കുന്ന ഉച്ചകോടിയില്‍ വിവിധ മേഖലകളില്‍ നിന്നുള്ള ആയിരം പ്രതിനിധികളാണ് പങ്കെടുക്കുക.