ഗ്രീൻഫീൽഡ് സ്റ്റേഡിയത്തിൽ കളി കാണാനെത്തിയവർക്ക് നേരെ തേനീച്ച കൂട്ടത്തിന്റെ ആക്രമണം (വീഡിയോ)

കാര്യവട്ടം ഗ്രീൻഫീൽഡ് സ്റ്റേഡിയത്തിൽ കളി കാണാനെത്തിയവർക്ക് നേരെ തേനീച്ചകൂട്ടത്തിന്റെ ആക്രമണം. ഇന്ത്യ എ – ഇംഗ്ലണ്ട്‌ ലയണ്‍സ്‌ നാലാം ഏകദിന മത്സരത്തിനിടെയായിരുന്നു സംഭവം. തേനീച്ചകൂട്ടത്തിന്റെ ആക്രമണത്തിൽ കളികാണാനെത്തിയ 5 പേർക്ക് പരിക്കേറ്റു. 2 പേരെ തിരുവനന്തപുരം മെഡിക്കൽ കോളേജ് ആശുപത്രിയിലും 3 പേരെ സ്വകാര്യ ആശുപത്രിയിലും പ്രവേശിപ്പിച്ചു. തേനീച്ചക്കൂട്ടത്തിന്റെ ആക്രമണത്തെത്തുടർന്ന് അപ്പർ ഗ്യാലറിയിലിരുന്ന കാണികൾ ചിതറിയോടി. സംഭവത്തെത്തുടർന്ന് കളി കുറച്ചു നേരം നിർത്തിവെക്കുകയും ചെയ്തു.