കൂടുതൽ സീറ്റു വേണമെന്ന ആവശ്യം ഘടക കക്ഷി നേതാക്കള്‍ രാഹുല്‍ ഗാന്ധിയെ അറിയിച്ചു

ലോക്സഭാ തിരഞ്ഞെടുപ്പിൽ കൂടുതൽ സീറ്റു വേണമെന്ന ആവശ്യം രാഹുൽഗാന്ധിയെ അറിയിച്ചതായി ഘടക കക്ഷി നേതാക്കൾ. ഓരോ സീറ്റുകൾ വീതം അധികമായി ആവശ്യപ്പെട്ടതായി പികെ കുഞ്ഞാലിക്കുട്ടിയും കെഎം മാണിയും വ്യക്തമാക്കി. രാഷ്ട്രീയമായ എല്ലാ കാര്യങ്ങളും ചർച്ച ചെയ്തുവെന്നും സീറ്റ് സംബന്ധിച്ച ചർച്ചകൾ കേരളത്തിൽ തന്നെ നടക്കുമെന്നും നേതാക്കൾ വ്യക്തമാക്കി. പികെ കുഞ്ഞാലിക്കുട്ടി, കെഎം മാണി ബെന്നി ബഹ്നാൻ എന്നിവരാണ് രാഹുലുമായി കൂടികാഴ്ച്ച നടത്തിയത്. അതെസമയം സീറ്റ് വിഭജനം സംസ്ഥാനതലത്തിൽ ചർച്ച ചെയ്യാൻ രാഹുൽ ഗാന്ധി നിർദ്ദേശിച്ചു. സീറ്റ് സംബന്ധിച്ച് ആർക്കും ഉറപ്പു നൽകിയിട്ടില്ലെന്ന് യുഡിഎഫ് കൺവീനർ ബെന്നി ബഹനാനും പ്രതികരിച്ചു..