പ്രിയങ്ക ഗാന്ധി ഡൽഹിയിൽ തിരിച്ചെത്തി

കിഴക്കൻ ഉത്തർപ്രദേശിന്റെ ചുമതലയുള്ള എഐസിസി ജനറൽ സെക്രട്ടറിയായി നിയമിക്കപ്പെട്ട പ്രിയങ്ക ഗാന്ധി ഡൽഹിയിൽ തിരിച്ചെത്തി. മകളുടെ ചികിത്സയുമായി ബന്ധപ്പെട്ട് യുഎസിൽ ആയിരുന്ന പ്രിയങ്ക ഇന്നലെ രാത്രിയാണ് തിരിച്ചെത്തിയത്. ശേഷം കോൺഗ്രസ് അധ്യക്ഷന് രാഹുൽ ഗാന്ധിയുമായി പ്രിയങ്ക കൂടിക്കാഴ്ച നടത്തി.

പടിഞ്ഞാറൻ ഉത്തർപ്രദേശിന്റെ ചുമതലയുള്ള എഐസിസി ജനറൽ സെക്രട്ടറി ജ്യോതിരാദിത്യ സിന്ധ്യ, സംഘടന ചുമതലയുള്ള സെക്രട്ടറി കെ സി വേണുഗോപാൽ എന്നിവർ കൂടിക്കാഴ്ചയിൽ പങ്കെടുത്തു. ജനറൽ സെക്രട്ടറിയായി പ്രിയങ്ക ഇന്ന് ചുമതല ഏറ്റെടുത്തേക്കും. ഏഴാം തീയതി രാഹുൽ ഗാന്ധി വിളിച്ച് ചേർത്ത ജനറൽ സെക്രടറിമാരുടെ യോഗത്തിൽ പ്രിയങ്ക പങ്കെടുത്തേക്കും.