മുന്‍ കേരള രഞ്ജി ക്യാപ്റ്റന്‍ അശോക് ശേഖര്‍ അന്തരിച്ചു

മുന്‍ കേരള രഞ്ജി ക്രിക്കറ്റ് ടീം ക്യാപ്റ്റന്‍ അശോക് ശേഖര്‍ (73) അന്തരിച്ചു. കണ്ണൂരിലെ ആസ്പത്രിയില്‍ കുറച്ചു നാളായി ചികിത്സയിലായിരുന്നു. വിക്കറ്റ് കീപ്പര്‍ ബാറ്റ്‌സ്മാനായിരുന്ന അശോക് ശേഖര്‍ 1970-71, 72-73,74-75 സീസണുകളില്‍ കേരള ടീമിനെ നയിച്ചിട്ടുണ്ട്.

കേരളത്തിനു വേണ്ടി 35 ഫസ്റ്റ്ക്ലാസ് മത്സരങ്ങളില്‍ കളിച്ചിട്ടുള്ള അശോക് ശേഖര്‍ 68 ഇന്നിങ്‌സുകളില്‍ നിന്നായി 808 റണ്‍സ് നേടിയിട്ടുണ്ട്. 49 റണ്‍സാണ് ഏറ്റവും ഉയര്‍ന്ന സ്‌കോര്‍. എസ്.ബി.ടി. ഉദ്യോഗസ്ഥനായിരുന്ന അശോക് ശേഖര്‍ ബി.സി.സി.ഐ. യുടെ മാച്ച് റഫറിയായും പ്രവര്‍ത്തിച്ചിട്ടുണ്ട്.