പ്രണയ ദിനത്തില്‍ ചതിയുടെ കഥയുമായി ഹേറ്റ് സ്റ്റോറി

പ്രണയ ദിനത്തില്‍ പ്രണയത്തെ കുറിച്ചുള്ള നിരവധി വീഡിയോകളും, ഷോര്‍ട്ട് ഫിലിമുകളും സോഷ്യല്‍ മീഡിയയില്‍ നിറയുകയാണ്. ഒപ്പം തേപ്പുകഥകളും ഇടംപിടിച്ചിട്ടുണ്ട്. എന്നാല്‍ ഈ പതിവ് തെറ്റിച്ച് പ്രതികാരത്തിന്റെ കഥയുമായി എത്തിയിരിക്കുകയാണ് ഹേറ്റ് സ്റ്റോറി എന്ന ഹ്രസ്വചിത്രം.

ചാലക്കുടിക്കാരന്‍ ചങ്ങാതി എന്ന ചിത്രത്തിന്റെ എഡിറ്റര്‍ അഭിലാഷ് വിശ്വനാഥാണ് ഈ ഹ്രസ്വചിത്രത്തിന്റെ സംവിധായകന്‍. ഷിഹാബ് മൂന്നാറിന്റേതാണ് കഥയും തിരക്കഥയും സംഭാഷണവും. ദീപക് എസ് നായരുടേതാണ് ക്യാമറ.