അതെ എന്റെ ഫ്രണ്ടാ… തലയ്ക്ക് നല്ല സുഖമില്ലാത്ത ആളാ… മിസ്റ്റര്‍ ആന്റ് മിസിസ് റൗഡിയുടെ ട്രോള്‍ വീഡിയോ പുറത്ത് വിട്ട് കാളിദാസ്
കാളിദാസ് ജയറാം നായകാകുന്ന ഏറ്റവും പുതിയ ചിത്രമാണ് മിസ്റ്റര്‍ ആന്റ് മിസിസ് റൗഡി. ഈ ചിത്രത്തിന്റെ ട്രോള്‍ വീഡിയോ പുറത്ത് വിട്ടിരിക്കുകയാണ് കാളിദാസ് ജയറാം. അപര്‍ണ്ണ ബാലമുരളിയെ കളിയാക്കുന്ന തരത്തില്‍ തയ്യാറാക്കിയിരിക്കുന്ന രസികന്‍ വീഡിയോ ആണിത്. ഷൂട്ടിംഗ് സമയത്തെ അപര്‍ണ്ണ ബാലമുരളിയുടെ പല വീഡിയോകള്‍ ഒന്നിച്ച് ചേര്‍ത്ത ട്രോളാണിത്. അപര്‍ണ്ണയാണ് ചിത്രത്തിലെ നായിക.
പൂമരത്തിന് ശേഷം കാളിദാസ് ജയറാമിനെ നായകനാക്കി ജിത്തു ജോസഫ് സംവിധാനം ചെയ്യുന്ന മിസ്റ്റര്‍ ആന്റ് മിസിസ് റൗഡിയുടെ ട്രെയിലര്‍ പുറത്ത്. മൈ ബോസ് എന്ന ചിത്രത്തിന് ശേഷം കോമഡിയ്ക്ക് പ്രാധാന്യം നല്‍കി ജിത്തു ജോസഫ് ഒരുക്കുന്ന ചിത്രമാണിത്. ഗണപതി, വിഷ്ണു ഗോവിന്ദ്, ഷെബിന്‍ ബെന്‍സണ്‍, വിജയ് ബാബു, സായികുമാര്‍ തുടങ്ങിയവരാണ് ചിത്രത്തിലെ മറ്റ് കഥാപാത്രങ്ങള്‍. ഗോകുലം മൂവീസും വിന്റേജ് ഫിലിംസും ചേര്‍ന്നാണ് ചിത്രം നിര്‍മിക്കുന്നത്.ഫെബ്രുവരി 22ന് ചിത്രം തീയേറ്ററുകളില്‍ എത്തും
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
