രാജസ്ഥാനില്‍ വിവാഹ ഘോഷയാത്രയിലേക്ക് ട്രക്ക് ഇടിച്ച് കയറി; 13മരണം

രാജസ്ഥാനില്‍ വിവാഹ ഘോഷയാത്രയിലേക്ക് ട്രക്ക് ഇടിച്ച് കയറി 13പേര്‍ക്ക് ദാരുണാന്ത്യം.  രാജസ്ഥാനിലെ പ്രതാപ് ന​ഗറിലാണ് സംഭവം. പതിനെട്ടോളം പേർക്ക് അപകടത്തില്‍ പരിക്കേറ്റു. മരിച്ചവരിൽ നാലുപേർ‌ കുട്ടികളാണ്. റോഡിന്റെ സൈഡിലൂടെ പോകുകയായിരുന്ന വിവാഹഘോഷയാത്രയിലേക്ക് അമിത വേഗതയില്‍ എത്തിയ ട്രക്ക് ഇടിച്ച് കയറുകയായിരുന്നു. അപകടത്തില്‍ മുഖ്യമന്ത്രി അശോക് ​ഗെഹ് ലോട്ട് അനുശോചനം രേഖപ്പെടുത്തി. ഗുരുതരമായി പരിക്കേറ്റ 15 പേരെ സർക്കാർ ആശുപത്രിയിൽ പ്രവേശിപ്പിച്ചിരിക്കുകയാണ്. മരിച്ചവരിൽ ഒൻപത് പേരെ തിരിച്ചറിഞ്ഞിട്ടുണ്ട്.