പെരിന്തല്‍മണ്ണ മൗലാനാ ആശുപത്രിയില്‍ ജനറേറ്റര്‍ പൊട്ടിത്തെറിച്ചു; തീപിടുത്തം

പെരിന്തല്‍മണ്ണ മൗലാനാ ആശുപത്രിയില്‍ ജനറേറ്റര്‍ പൊട്ടിത്തെറിച്ചു. പൊട്ടിത്തെറിയ്ക്ക് പിന്നാലെ ആശൂപത്രിയില്‍ തീ പടര്‍ന്ന് പിടിച്ചു. എന്നാല്‍ തീ പെട്ടെന്ന് നിയന്ത്രണ വിധേമാക്കാന്‍ സാധിച്ചതിനാല്‍ വന്‍അപകടം ഒഴിവായി.

ജനറേറ്ററിനെ പുറത്ത് ഉണ്ടായിരുന്ന ജനറേറ്ററാണ് പൊട്ടിത്തെറിച്ചത്. രോഗികളെ ഇവിടെ നിന്ന് ഒഴിപ്പിക്കുകയാണ്. മലപ്പുറം, തിരൂര്‍, പെരിന്തല്‍ മണ്ണ എന്നിവിടങ്ങളിലെ ഫയര്‍ഫോഴ്സ് യൂണിറ്റ് എത്തിയാണ് തീയണച്ചത്.
വാഹനപാര്‍ക്കിംഗിന്റെ സ്ഥലത്താണ് ജനറേറ്റര്‍ സ്ഥാപിച്ചിരുന്നത്. തീപിടുത്തത്തിന്റെ പിന്നാലെ ഉയരുന്ന പുക ശ്വസിച്ച് ബുദ്ധിമുട്ട് ഉണ്ടാകാതെ ഇരിക്കാനാണ് രോഗികളെ മാറ്റുന്നത്. തീപിടുത്തം ഉണ്ടായ ഉടനെ നാട്ടുകാരും രക്ഷാപ്രവര്‍ത്തനത്തില്‍ ഏര്‍പ്പെട്ടു.