സൗദിയിൽ ട്രാഫിക് പൊലീസിലും വനിതകളെ നിയമിക്കും

ട്രാഫിക് പോലീസിൽ വൈകാതെ വനിതകളെ നിയമിക്കുമെന്ന് സൗദി ട്രാഫിക് ഡയരക്ടറേറ്റ് മേധാവി മേജർ ജനറൽ മുഹമ്മദ് അൽ ബസ്സാമി പറഞ്ഞു. പുരുഷന്മാരായ ട്രാഫിക് പോലീസ് ഉദ്യോഗസ്ഥരെ പോലെ വനിതകളും സേവനമനുഷ്ഠിക്കും.

പൊതു സുരക്ഷാ വകുപ്പ് മേധാവിയുടെ നിർദ്ദേശാനുസരണം വിവിധ സുരക്ഷാവകുപ്പുകളിൽ നിയമിക്കുന്നതിന് ഒരു കൂട്ടം സൗദി വനിതകൾക്ക് പരിശീലനം നൽകിയിട്ടുണ്ട്. ഇക്കൂട്ടത്തിൽ ഒരു വിഭാഗത്തെ ട്രാഫിക് പോലിസിൽ നിയമിക്കും. അവശേഷിക്കുന്നവരെ പട്രോൾ പോലീസിലും നിയമിക്കും.വനിതകൾക്ക് ഡ്രൈവിങ്ങ് ഡ്രൈവിംങ് ലൈസൻസ് അനുവദിക്കുന്നതിന് ട്രാഫിക് ഡയരക്ടറേറ്റ് കൂടുതൽ സൗകര്യങ്ങൾ ഏർപ്പെടുത്തി വരികയാണ്.അൽബഹ,ഹായിൽ,അൽഖസിം ,നജ്റാൻ എന്നിവിടങ്ങളിൽ വൈകാതെ ലേഡീസ് ഡ്രൈവിംങ് സ്കൂളുകൾ പ്രവർത്തനം ആരംഭിക്കും.

അൽഹസയിൽ ലേഡീസ് ഡ്രൈവിംഗ് സ്കൂൾ സ്ഥാപിക്കുന്നതിന് സൗദി അരാംക്കോ കമ്പനിയുമായി ട്രാഫിക്ഡയരക്ടറേറ്റ് കഴിഞ്ഞ ദിവസം കാരാർ ഒപ്പു വെച്ചു.നിലവിൽ സൗദിയിൽ ഏഴ് വനിതാ ഡ്രൈവിംങ് സ്കൂളുകളാണുള്ളത്.