തനിക്ക് മെസ്സിയെ ഒറ്റക്ക് തടയാനാവില്ലെന്ന് വാൻ ഡൈക്ക്

ലയണൽ മെസ്സിയെ തനിക്ക് ഒറ്റക്ക് തടയാൻ സാധിക്കില്ലെന്ന് ലിവർപൂളിൻ്റെ ഡച്ച് ഡിഫൻഡർ വിർജിൽ വാൻ ഡൈക്ക്. ബാഴ്സലോണയുമായുള്ള ചാമ്പ്യൻസ് ലീഗ് സെമിഫൈനലിൻ്റെ പശ്ചാത്തലത്തിലാണ് വാൻ ഡൈക്കിൻ്റെ വെളിപ്പെടുത്തൽ.

ടീം മുഴുവനായി ശ്രമിച്ചാലെ തടയാൻ സാധിക്കുകയുള്ളൂ. മെസ്സി ഈ ലോകത്തെ ഏറ്റവും മികച്ച താരമാണ്. ഇപ്പോൾ ഗംഭീര ഫോമിലുമാണ്. അതുകൊണ്ട് അദ്ദേഹത്തെ തടയുക കടുപ്പമായിരിക്കും എന്നും വാൻ ഡൈക് പറഞ്ഞു.

ഒരു സ്ട്രൈക്കറിനെയും താൻ ഒറ്റയ്ക്കല്ല നേരിടാറ്. എപ്പോഴും ടീം മുഴുവനായിട്ടാണ് എതിരാളികളെ നേരിടാറ്. അതു തന്നെയാകും മെസ്സിയുടെ കാര്യത്തിലും എന്നും വാൻ ഡൈക് പറഞ്ഞു.

മെസ്സിയും വാൻ ഡൈക്കും ഈ സീസനിൽ മികച്ച ഫോമിലാണ്. ഇരുവരും തമ്മിലുള്ള പോരാട്ടം തീപാറുമെന്നാണ് കരുതപ്പെടുന്നത്.