രാഹുൽ ഗാന്ധിയുടെ വിമാനത്തിന് യന്ത്രതകരാർ; ഡൽഹിയിൽ തിരിച്ചിറക്കി

യന്ത്രതകരാറിനെ തുടർന്ന് കോൺഗ്രസ് അധ്യക്ഷൻ രാഹുൽ ഗാന്ധിയുടെ വിമാനം ഡൽഹിയിൽ തിരിച്ചിറക്കി. തെരഞ്ഞെടുപ്പ് പ്രചരണത്തിനായി പട്‌നയിലേക്ക് പോകാൻ യാത്ര തിരിച്ചപ്പോഴാണ് വിമാനത്തിൽ യന്ത്രത്തകരാർ ശ്രദ്ധയിൽപ്പെട്ടത്. തുടർന്ന് വിമാനം ഡൽഹിയിൽ തന്നെ തിരിച്ചിറക്കുകയായിരുന്നു. ഇത് മൂലം ബീഹാർ,ഒഡീഷ,മഹാരാഷ്ട്ര എന്നിവിടങ്ങളിൽ ഇന്ന് നടക്കേണ്ട തെരഞ്ഞെടുപ്പ് പ്രചരണ പരിപാടികൾ വൈകുമെന്നും ഇതിന് ക്ഷമ ചോദിക്കുന്നതായും രാഹുൽ ഗാന്ധി ട്വിറ്ററിലൂടെ അറിയിച്ചു.