പാലക്കാട് കാട്ടാനയുടെ ആക്രമണത്തിൽ വനംവകുപ്പ് വാച്ചർ മരിച്ചു

പാലക്കാട് പുതുശേരിയിൽ കാട്ടാനയുടെ ആക്രമണത്തിൽ വനം വകുപ്പ് വാച്ചർ മരിച്ചു. വനംവകുപ്പിൽ താത്ക്കാലിക വാച്ചറായ മോഹനൻ (58) ആണ് മരിച്ചത്. വേലഞ്ചേരിക്കടുത്ത് വനാതിർത്തിയിൽ കാട്ടാനയെ ഓടിക്കാൻ ശ്രമിക്കുന്നതിനിടെ കാട്ടാന ആക്രമിക്കുകയായിരുന്നു. കാട്ടാനയുടെ ആക്രമണത്തിൽ രണ്ട് പേർക്ക് പരിക്കേറ്റിട്ടുണ്ട്.

പ്രദേശത്ത് ഏറെ നാളായി കാട്ടാന ശല്യം രൂക്ഷമാണ്. ആനയെ പടക്കം പൊട്ടിച്ച് തുരത്താനുള്ള വാച്ചർമാരുടെ ശ്രമത്തിനിടെയായിരുന്നു ആനയുടെ ആക്രമണം. പരിക്കേറ്റ രണ്ടു പേരെ തൃശൂർ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.