പരപ്പനങ്ങാടിയിൽ നിയന്ത്രണം വിട്ട മിനിലോറി പാലത്തിലിടിച്ചു കയറി; ഡ്രൈവർ മരിച്ചു

പരപ്പനങ്ങാടി പാലത്തിങ്ങലിൽ നിയന്ത്രണം വിട്ട മിനിലോറി പാലത്തിലിടിച്ചു കയറിയുണ്ടായ അപകടത്തിൽ ഡ്രൈവർ മരിച്ചു. കൊടിഞ്ഞി കുറൂൽ സ്വദേശി ബാദുഷയാണ് മരിച്ചത്. ഒരാൾക്ക് പരിക്കേറ്റിട്ടുണ്ട്. രാത്രി ഏഴരയോടെയാണ് അപകടം ഉണ്ടായത്. പരിക്കേറ്റ കൊൽക്കത്ത സ്വദേശി രാജി ഗുൽസ് ശൈഖിനെ കോഴിക്കോട് മെഡിക്കൽ കോളേജിൽ പ്രവേശിപ്പിച്ചു.

പാലത്തിൽ ഇടിച്ചു കയറിയതിനെ തുടർന്ന് പാലത്തിന്റെ സ്ലാബിന്റെ ഭാഗം ലോറിക്കു മുകളിലേക്ക് വീഴുകയായിരുന്നു. അപകടത്തിൽ ലോറിയുടെ ക്യാബിൻ മുഴുവനായും തകർന്നു. ജെസിബി ഉപയോഗിച്ച് ലോറി വെട്ടിപ്പൊളിച്ചാണ് ലോറിക്കുള്ളിൽ നിന്നും ഡ്രൈവറേയും സഹായിയെയും പുറത്തെടുത്തത്.