തൊടുപുഴയിലെ ഏഴ് വയസുകാരന്റെ കൊലപാതകം; അമ്മയ്‌ക്കെതിരെ കേസെടുക്കാൻ നിർദേശം

തൊടുപുഴയിൽ ഏഴ് വയസുകാരനെ അമ്മയുടെ സുഹൃത്ത് മർദ്ദിച്ച് കൊലപ്പെടുത്തിയ കേസിൽ അമ്മയ്‌ക്കെതിരെ കേസെടുക്കാൻ ശിശുക്ഷേമ സമിതി പൊലീസിന് നിർദേശം നൽകി. ബാലനീതി നിയമത്തിലെ 75-ാം വകുപ്പ് പ്രകാരം കേസെടുക്കാനാണ് നിർദേശം.

കുട്ടികളെ ആക്രമിക്കുക, അതിന് കൂട്ടുനിൽക്കുക തുടങ്ങിയവയാണ് ബാലനീതി നിയമത്തിലെ 75-ാം വകുപ്പിന്റെ പരിധിയിൽ വരുന്ന കുറ്റങ്ങൾ. അമ്മയുടെ സംരക്ഷണയിൽ കഴിഞ്ഞ കുട്ടിയുടെ ഭാവിയിൽ ആശങ്കയുണ്ടെന്ന് ശിശുക്ഷേമ സമിതിയ്ക്ക് നൽകിയ കത്തിൽ കുട്ടിയുടെ മുത്തച്ഛൻ അറിയിച്ചിരുന്നു. ഇതിന്റെ പശ്ചാത്തലത്തിലാണ് ശിശുക്ഷേമ സമിതി തുടർ നടപടികൾ സ്വീകരിച്ചത്.