മോദി രാജ്യത്തിന്റെ സമ്പദ് വ്യവസ്ഥയിലുണ്ടാക്കിയ നഷ്ടം പരിഹരിക്കാൻ പുതിയ സർക്കാർ കിണഞ്ഞു പരിശ്രമിക്കേണ്ടി വരുമെന്ന് ചിദംബരം

പ്രധാനമന്ത്രി നരേന്ദ്രമോദിയും ധനമന്ത്രി അരുൺ ജെയ്റ്റ്‌ലിയും ചേർന്ന് രാജ്യത്തിന്റെ സമ്പദ് വ്യവസ്ഥയെ തകർത്തെന്ന് മുതിർന്ന കോൺഗ്രസ് നേതാവ് പി.ചിദംബരം ആരോപിച്ചു.രാജ്യത്തെ ജിഡിപി നിരക്ക് ബിജെപി ഭരണത്തിൽ കുത്തനെ ഇടിഞ്ഞു. രൂപയുടെ നിരക്കിലും കുറവുണ്ടായി. രാജ്യത്ത് തൊഴിലില്ലായ്മ രൂക്ഷമായതായും കാർഷിക വളർച്ചയിലും തിരിച്ചടി നേരിട്ടതായും ചിദംബരം ആരോപിച്ചു.

മോദി സർക്കാർ രാജ്യത്തിന്റെ സാമ്പത്തിക ഘടനയ്ക്ക് വരുത്തിവച്ച നഷ്ടം വളരെ വലുതാണ്. ഈ നഷ്ടം പരിഹരിക്കാൻ പുതിയതായി വരുന്ന സർക്കാർ കിണഞ്ഞു പരിശ്രമിക്കേണ്ടി വരുമെന്നും മുൻ കേന്ദ്ര ധനമന്ത്രി കൂടിയായ ചിദംബരം വ്യക്തമാക്കി.