അഞ്ചേരി ബേബി വധക്കേസിൽ സ്‌പെഷ്യൽ പ്രോസിക്യൂട്ടറെ മാറ്റിയ നടപടി ഹൈക്കോടതി റദ്ദാക്കി

ഇടുക്കിയിലെ യൂത്ത് കോൺഗ്രസ്,ഐഎൻടിയുസി നേതാവായിരുന്ന അഞ്ചേരി ബേബിയെ കൊലപ്പെടുത്തിയ കേസിൽ സ്‌പെഷ്യൽ പബ്ലിക് പ്രോസിക്യൂട്ടറെ മാറ്റിയ സർക്കാരിന്റെ നടപടി ഹൈക്കോടതി റദ്ദാക്കി. അഞ്ചേരി ബേബിയുടെ സഹോദരൻ നൽകിയ ഹർജിയിലാണ് നടപടി. പ്രോസിക്യൂട്ടറെ മാറ്റിയത് മന്ത്രി എം എം മണി ഉൾപ്പെടെയുള്ള പ്രതികളെ രക്ഷിക്കാനാണെന്നും നടപടി റദ്ദാക്കണമെന്നും കാണിച്ചായിരുന്നു ഹർജി.1982 നവംബർ 13 നാണ് അഞ്ചേരി ബേബി കൊല്ലപ്പെട്ടത്.