കോൺഗ്രസ് പുന:സംഘടന; പ്രാഥമിക ചർച്ചകൾ തുടങ്ങിയതായി മുല്ലപ്പള്ളി

കേരളത്തിൽ കോൺഗ്രസിന് പുന:സംഘടന അനിവാര്യമെന്നും ഇത് സംബന്ധിച്ച് പ്രാഥമിക ചർച്ചകൾ തുടങ്ങിയതായും കെപിസിസി അധ്യക്ഷൻ മുല്ലപ്പള്ളി രാമചന്ദ്രൻ. പുന:സംഘടന ഇല്ലാതെ ഇനി മുന്നോട്ടു പോകാനാകില്ല. എല്ലാ തലങ്ങളിലും പുന:സംഘടനയുണ്ടാകുമെന്നും കെപിസിസി അധ്യക്ഷൻ വ്യക്തമാക്കി.

എക്‌സിറ്റ് പോളുകളെ കോൺഗ്രസ് വിശ്വസിക്കുന്നില്ല. കേരളത്തിൽ യുഡിഎഫിന് അനുകൂലമാണ് ജനങ്ങളുടെ വികാരമെന്ന് തെരഞ്ഞെടുപ്പ് പ്രചാരണ സമയത്തു തന്നെ മനസ്സിലാക്കിയിട്ടുള്ളതാണ്. കേരളത്തിൽ എൻഡിഎ ഇത്തവണയും അക്കൗണ്ട് തുറക്കില്ലെന്നും മുല്ലപ്പള്ളി രാമചന്ദ്രൻ പറഞ്ഞു.