ക്ഷേത്രത്തിൽ കയറാൻ ശ്രമിച്ചെന്ന് ആരോപിച്ച് ദളിതനെ കെട്ടിയിട്ട് മർദ്ദിച്ച് ആൾക്കൂട്ടം; വീഡിയോ

ക്ഷേത്രത്തിൽ കയറാൻ ശ്രമിച്ചെന്ന് ആരോപിച്ച് ദളിതനെ സവർണർ കെട്ടിയിട്ട് മർദ്ദിച്ചു. രാജസ്ഥാനിലെ പാലി ജില്ലയിലെ ദനേരിയ ഗ്രാമത്തിലായിരുന്നു സംഭവം. പ്രായപൂർത്തിയാകാത്ത ദളിത് വിഭാഗത്തിൽപ്പെട്ട ആൺകുട്ടിയെയാണ് മേൽജാതിക്കാർ ക്രൂരമർദ്ദനത്തിന് ഇരയാക്കിയത്. സംഭവത്തിന്റെ വീഡിയോ ദൃശ്യങ്ങൾ സോഷ്യൽ മീഡിയയിൽ വൈറലായി.

താൻ ക്ഷേത്രത്തിൽ കയറിയില്ലെന്നും മർദ്ദിക്കരുതെന്നും കുട്ടി പറയുന്നുണ്ടെങ്കിലും അതൊന്നും ചെവിക്കൊള്ളാതെ മേൽജാതിക്കാർ മർദ്ദനം തുടരുകയായിരുന്നു. എന്നാൽ സംഭവത്തിൽ പരാതി നൽകിയെങ്കിലും പൊലീസ് നടപടിയെടുക്കാൻ തയ്യാറായില്ലെന്ന് കുട്ടിയുടെ ബന്ധുക്കൾ ആരോപിച്ചു.

ഉത്തരാഖണ്ഡിലെ തേരി ജില്ലയിൽ മേൽജാതിക്കാരുടെ ആക്രമണത്തിന് ഇരയായ 23 കാരായ ദളിത് യുവാവ് അടുത്തിടെ മരണപ്പെട്ടിരുന്നു. അതിന് പിന്നാലെയാണ് ഈ സംഭവം.ദളിത് വിഭാഗത്തിൽപ്പെട്ട പെൺകുട്ടി വിവാഹ ദിവസം കുതിരപ്പുറത്ത് യാത്ര ചെയ്തതിന്റെ പേരിൽ അക്രമത്തിനിരയായ സംഭവവും അടുത്തിടെയായിരുന്നു റിപ്പോർട്ട് ചെയ്യപ്പെട്ടത്.

#BREAKING राजस्थान के जिला पाली गाॅव धनेरिया मे दलित नाबालिग लङके को इतनी बेरहमी से पीटा की मन विचलित हो उठा।

इस लङके की गलती सिर्फ इतनी है कि यह गाँव के मन्दिर पर चढ़ गया था !

भगवा गमछा ङाले युवक नजर आ रहा है बताया जा रहा है कि वह भाजपा का कार्यकर्ता हैpic.twitter.com/4kT4olJA1y

— The Dalit Voice (@ambedkariteIND) June 3, 2019