കമ്മ്യൂണിസ്റ്റ് പാർട്ടി ഓഫ് ഇന്ത്യ ഇപ്പോൾ കമ്മ്യൂണിസ്റ്റ് പാർട്ടി ഓഫ് ആലപ്പുഴയായി മാറിയെന്ന് എം.എം ഹസ്സൻ

കമ്മ്യൂണിസ്റ്റ് പാർട്ടി ഓഫ് ഇന്ത്യ ഇപ്പോൾ  കമ്മ്യൂണിസ്റ്റ് പാർട്ടി ഓഫ് ആലപ്പുഴയായി മാറിയെന്ന് മുൻ കെപിസിസി അധ്യക്ഷൻ എം.എം.ഹസ്സൻ. ശബരിമല വിഷയത്തിൽ സിപിഐ നിലപാട് വസ്തു നിഷ്ഠമാണ്. അത് സിപിഎമ്മിന് ഇല്ലാതെ പോയത് നിർഭാഗ്യകരമാണെന്നും ഹസ്സൻ പറഞ്ഞു.

ശബരിമല വിഷയത്തിൽ സർക്കാർ നിലപാട് മാറ്റേണ്ടതില്ലെന്ന സിപിഎം കേന്ദ്ര കമ്മിറ്റിയുടെ നിലപാടോടുകൂടി ശബരിമല വീണ്ടും കലാപഭൂമിയാകുന്ന അവസ്ഥയുണ്ടാകും. കണ്ടാലും കൊണ്ടാലും പഠിക്കാത്ത പാർട്ടിയാണ് മാർക്‌സിസ്റ്റ് പാർട്ടിയെന്ന് ഇതോടെ ജനങ്ങൾ മനസ്സിലാക്കി കഴിഞ്ഞെന്നും എം.എം ഹസ്സൻ പറഞ്ഞു.