വായു ചുഴലിക്കാറ്റ് വടക്കുപടിഞ്ഞാറാൻ തീരത്തേക്ക് കടക്കുന്നു

വായു ചുഴലിക്കാറ്റ് ഗുജറാത്ത് തീരം പിന്നിട്ട് വടക്കുപടിഞ്ഞാറാൻ തീരത്തേക്ക് കടക്കുന്നു. പാക് തീരം ലക്ഷ്യമിട്ട് നീങ്ങിയ കാറ്റിന് വീണ്ടും ദിശമാറ്റം ഉണ്ടായെന്നാണ് സൂചന.

വായുവിൻറെ പ്രഭാവത്തിൽ ഗുജറാത്തിന്റെ തീരമേഖലയിൽ ശക്തമായ മഴയും കാറ്റും തുടരുകയാണ്. 24 മണിക്കൂർ കൂടി മേഖലയിൽ കനത്ത മഴ തുടരുമെന്നാണ് കാലാവസ്ഥാ വകുപ്പിൻറെ മുന്നറിയിപ്പ്.

വൈരാവൽ ,പോർബന്ധർ, സൗരാഷ്ട്ര , കച്ച് ജില്ലകളിൽ കടൽക്ഷോഭം ശക്തമാണ്.വിദ്യാഭാസ സ്ഥാപനങ്ങൾക്ക് നാളെയും അവധി പ്രഖ്യാപിച്ചു.