തോമസ് ഉണ്ണിയാടനെയും സി.വി കുര്യാക്കോസിനെയും പുറത്താക്കിയതായി ജോസ് കെ മാണി വിഭാഗം

മുൻ എംഎൽഎ തോമസ് ഉണ്ണിയാടനെയും സി.വി കുര്യാക്കോസിനെയും  കേരള കോൺഗ്രസ് എമ്മിൽ നിന്ന് നിന്ന് പുറത്താക്കിയതായി ജോസ് കെ മാണി വിഭാഗം. ഇരുവരും പാർട്ടി സംസ്ഥാന സമിതി അംഗങ്ങളാണ്. പി.ജെ ജോസഫിന് പിന്തുണ പ്രഖ്യാപിച്ച സാഹചര്യത്തിലാണ് നടപടി. ഇന്ന് ചേർന്ന തൃശൂർ ജില്ലാ കമ്മിറ്റി യോഗത്തിലാണ് ഇരുവരെയും പുറത്താക്കിയത്.

പാർട്ടി വിരുദ്ധ പ്രവർത്തനം ആരോപിച്ചാണ് നടപടി. ബ്ലോക്ക് പഞ്ചായത്ത് അംഗമായ സി.വി കുര്യാക്കോസിനെതിരെ തെരഞ്ഞെടുപ്പ് കമ്മീഷന് പരാതി നൽകാനും നാളെ തൃശൂർ ജില്ലയിലെ 13 നിയോജക മണ്ഡലങ്ങളിലും പ്രവർത്തക കൺവെൻഷൻ ചേരാനും ജോസ് കെ മാണി വിഭാഗം ജില്ലാ കമ്മിറ്റി യോഗം തീരുമാനിച്ചിട്ടുണ്ട്.