അധ്യാപികയെ മയക്കുമരുന്ന് നൽകി പീഡിപ്പിച്ചു; സ്‌കൂൾ പ്രിൻസിപ്പൽ അറസ്റ്റിൽ

അധ്യാപികയെ മയക്കുമരുന്ന് നൽകി പീഡിപ്പിച്ച സ്‌കൂൾ പ്രിൻസിപ്പൽ അറസ്റ്റിൽ. ഡെൽഹിയിലെ ജസോളയിലാണ് സംഭവം. വീട്ടിൽ നിന്നാണ് പ്രിൻസിപ്പലിനെ അറസ്റ്റ് ചെയ്യുന്നത്.

ഡെൽഹിയിലെ സരിത വിഹാർ പൊലീസ് സ്റ്റേഷനിലാണ് യുവതി പരാതി നൽകിയിരിക്കുന്നത്. ജൂൺ 2017 ലാണ് പ്രിൻസിപ്പൽ അധ്യാപികയെ ആദ്യമായി പീഡിപ്പിക്കുന്നത്.

സ്‌കൂൾ സമയം കഴിഞ്ഞ് എക്‌സ്ട്രാ ക്ലാസുകൾ എടുക്കാനെന്ന വ്യാജേന വിളിച്ചുവരുത്തിയായിരുന്നു പീഡനം. ശീതള പാനീയത്തിൽ മയക്കുമരുന്ന് കലർത്തിയാണ് പീഡിപ്പിച്ചതെന്ന് അധ്യാപിക മുതിർന്ന പൊലീസ് ഉദ്യോഗസ്ഥനോട് പറഞ്ഞു.

ഇക്കാര്യം പുറത്ത് പറഞ്ഞാൽ പീഡനത്തിനിടെ ചിത്രീകരിച്ച വീഡിയോ പുറത്തുവിടുമെന്ന് പറഞ്ഞ് ഭീഷണിപ്പെടുത്തിയെന്നും അധ്യാപിക പറഞ്ഞു.