അരീക്കോട് എസ്‌ഐക്ക് കുത്തേറ്റു

അരീക്കോട് എസ്‌ഐ നൗഷാദിനാണ് കഞ്ചാവ് മാഫിയയുടെ അക്രമണത്തിൽ കത്തി കൊണ്ട് കുത്തേറ്റത്. അരീക്കോട് വിളയിൽ ഭാഗത്ത് കഞ്ചാവ് വിൽപന നടക്കുന്നുണ്ടെന്ന രഹസ്യ വിവരത്തെ തുടർന്ന് എത്തിയതായിരുന്നു എസ്.ഐയും സംഘവും.

Read Also : തിരുവനന്തപുരത്ത് ഡിവൈഎഫ്‌ഐ മേഖലാ സെക്രട്ടറിക്കും സിപിഐഎം ബ്രാഞ്ച് സെക്രട്ടറിക്കും കുത്തേറ്റു

മഫ്ത്തിയിലെത്തിയ പൊലീസ് സംഘം വിളയിൽ സമദിനെ പിടികൂടി കൈക്ക് വിലങ്ങ് അണിയിക്കവേയാണ് എസ്.ഐക്ക് കുത്തേറ്റത്. വിലങ്ങുമായി പ്രതി ഓടി രക്ഷപ്പെട്ടു. കൈക്ക് ഗുരുതരമായി പരിക്കേറ്റ എസ്.ഐയെ കോഴിക്കോട് മെഡിക്കൽ കോളേജിലേക്ക് മാറ്റി. പ്രതിക്കായി പോലീസ് അന്വേഷണം ഊർജിതമാക്കി.