കഴിഞ്ഞ ദിവസം വരെ പ്രതിപക്ഷ നേതാവായിരുന്ന ച​ന്ദ്ര​കാ​ന്ത് കാ​വ്‌​ലേ​ക്ക​ർ ഗോ​വ ഉ​പ​മു​ഖ്യ​മ​ന്ത്രിയായി സത്യപ്രതിജ്ഞ ചെയ്തു

ക​ഴി​ഞ്ഞ ദി​വ​സം വ​രെ പ്ര​തി​പ​ക്ഷ​നേ​താ​വാ​യി ബി​ജെ​പി സ​ർ​ക്കാ​രി​നെ എ​തി​ർ​ത്ത കോ​ൺ​ഗ്ര​സ് നേ​താ​വ് ച​ന്ദ്ര​കാ​ന്ത് കാ​വ്‌​ലേ​ക്ക​ർ അ​തേ സ​ർ​ക്കാ​രി​ൽ ഉ​പ​മു​ഖ്യ​മ​ന്ത്രി. കാ​വ്‌​ലേ​ക്ക​ർ ഉ​ൾ​പ്പെ​ടെ കോ​ൺ​ഗ്ര​സി​ൽ​ നി​ന്നും കാ​ലു​വാ​രി ബി​ജെ​പി​യി​ലെ​ത്തി​യ മൂ​ന്ന് എം​എ​ൽ​എ​മാ​ർ മ​ന്ത്രി​മാ​രാ​യി സ​ത്യ​പ്ര​തി​ജ്ഞ ചെ​യ്ത് അ​ധി​കാ​ര​മേ​റ്റു. കാ​വ്‌​ലേ​ക്ക​റെ കൂ​ടാ​തെ ജെ​ന്നി​ഫ​ര്‍ മോ​ന്‍​സെ​രാ​റ്റെ, ഫി​ലി​പ്പെ നെ​റി റോ​ഡ്രി​ഗ​സ് എ​ന്നി​വ​രാ​ണ് മ​ന്ത്രി​മാ​രാ​യി സ​ത്യ​പ്ര​തി​ജ്ഞ ചെ​യ്ത​ത്. ഡെ​പ്യൂ​ട്ടി സ്പീ​ക്ക​ര്‍ മൈ​ക്ക​ല്‍ ലോ​ബോ​യും മ​ന്ത്രി​യാ​യി സ​ത്യ​പ്ര​തി​ജ്ഞ ചെ​യ്തു.

കോ​ൺ​ഗ്ര​സി​ൽ​നി​ന്നും ക​ഴി​ഞ്ഞ ദി​വ​സം 10 എം​എ​ൽ​എ​മാ​രാ​ണ് കൂ​റു​മാ​റി ബി​ജെ​പി​യി​ലെ​ത്തി​യ​ത്. കാ​വ്‌​ലേ​ക്ക​റു​ടെ നേ​തൃ​ത്വ​ത്തി​ലാ​യി​രു​ന്നു കാ​ലു​വാ​ര​ൽ. പ​ത്തു കോ​ൺ​ഗ്ര​സ് എം​എ​ൽ​എ​മാ​ർ ബി​ജെ​പി​യി​ൽ ചേ​ർ​ന്ന​തോ​ടെ 40 അം​ഗ നി​യ​മ​സ​ഭ​യി​ൽ ബി​ജെ​പി​ക്ക് 27 അം​ഗ​ങ്ങ​ളാ​യി. കോ​ണ്‍​ഗ്ര​സി​ന്‍റെ അം​ഗ​ബ​ലം ഇ​തോ​ടെ അ​ഞ്ചാ​യി​ച്ചു​രു​ങ്ങി. ഗോ​വ ഫോ​ർ​വേ​ഡ് പാ​ർ​ട്ടി​ക്ക് മൂ​ന്നും അം​ഗ​ങ്ങ​ളു​ണ്ട്.

ഗോ​വ ഫോ​ർ​വേ​ഡ് പാ​ർ​ട്ടി​യി​ലെ ഉ​പ​മു​ഖ്യ​മ​ന്ത്രി വി​ജ​യ് സ​ർ​ദേ​ശാ​യി ഉ​ൾ​പ്പെ​ടെ മൂ​ന്ന് മ​ന്ത്രി​മാ​രെ​യും സ്വ​ത​ന്ത്ര​നാ​യ മ​ന്ത്രി​യേ​യും രാ​ജി​വ​പ്പി​ച്ചാ​ണ് മു​ഖ്യ​മ​ന്ത്രി പ്ര​മോ​ദ് സാ​വ​ന്ത് മ​ന്ത്രി​സ​ഭ പു​ന​സം​ഘ​ടി​പ്പി​ച്ച​ത്. വി​ജ​യ് സ​ർ​ദേ​ശാ​യി​യെ​ക്കൂ​ടാ​തെ വി​നോ​ദ് പാ​ൽ​യേ​ക്ക​ർ, ജ​യേ​ഷ് സാ​ൽ​ഗാ​വ്ങ്ക​ർ, സ്വ​ത​ന്ത്ര അം​ഗം രോ​ഹ​ൻ‌ ഖാ​വു​ന്തേ എ​ന്നി​വ​രാ​ണ് രാ​ജി​വ​ച്ച​ത്.