തിരുവനന്തപുരത്ത് നവജാത ശിശുവിന്റെ മൃതദേഹം പ്ലാസ്റ്റിക്ക് കവറിൽ പൊതിഞ്ഞ നിലയിൽ

തിരുവനന്തപുരത്ത് നവജാത ശിശുവിന്റെ മൃതദേഹം പ്ലാസ്റ്റിക് കവറിലാക്കി റോഡരികിലെ പറന്പിൽ ഉപേക്ഷിച്ച നിലയിൽ കണ്ടെത്തി. വിളപ്പിൽശാല ഊറ്റുകുഴിയിലാണ് മൃതദേഹം കണ്ടെത്തിയത്. രണ്ടു ദിവസത്തോളം മാത്രം പ്രായമുള്ള ആൺകുഞ്ഞിന്റേതാണ് മൃതദേഹം. പോലീസ് ഇൻക്വസ്റ്റ് നടപടികൾ പൂർത്തിയാക്കി മൃതദേഹം മെഡിക്കൽ കോളേജിലേക്ക് മാറ്റി.

തെരുവുനായകൾ കടിച്ചുവലിക്കുന്ന നിലയിൽ സ്‌കൂൾ വിദ്യാർത്ഥികളാണ് മൃതദേഹം കാണുന്നത്. തുടർന്ന് നടത്തിയ പരിശോധനയിലാണ് മൃതദേഹം കുഞ്ഞിന്റേതാണെന്ന് തിരിച്ചറിഞ്ഞത്. കുഞ്ഞിന്റെ കൈ കാലുകൾ തെരുവ് നായ്ക്കൾ കടിച്ചു തിന്ന നിലയിലായിരുന്നു. ദിവസങ്ങൾ മാത്രമേ കുഞ്ഞിന് പ്രായമുണ്ടായിരുന്നുള്ളൂ

കുഞ്ഞിനെ കൊന്നിട്ട് ഉപേക്ഷിച്ചതാണോ ജീവനോടെ ഉപേക്ഷിച്ചതാണോ എന്നതടക്കം പോലീസ് അന്വേഷിക്കുന്നുണ്ട്.