പ്രളയം; ഉത്തരേന്ത്യയിലും വടക്ക് കിഴക്കൻ സംസ്ഥാനങ്ങളിലും മരണ സംഖ്യ 142 ആയി

പ്രളയക്കെടുതിയിൽ ഉത്തരേന്ത്യയിലും വടക്ക് കിഴക്കൻ സംസ്ഥാനങ്ങളിലും മരണ സംഖ്യ 142 ആയി. ബിഹാറിൽ മാത്രം 78 പേർ മരിച്ചു. 18 ജില്ലകളിലായി57 ലക്ഷം ജനങ്ങൾ പ്രളയ ദുരിതത്തിലാണ്.221 ദുരിതാശ്വാസ ക്യാമ്പുകളിൽ നാല് ലക്ഷത്തോളം ആളുകൾ കഴിയുകയാണ്. മഴയുടെ ശക്തി കുറഞ്ഞു.

വെള്ളം ഇറങ്ങി തുടങ്ങിയ പ്രദേശങ്ങളിൽ പകർച്ചാവ്യാധികൾക്കെതിരായി സർക്കാർ പ്രതിരോധ നടപടികൾ ആരംഭിച്ചു. അസമിൽ 39 പേർ മരിച്ചു. 33 ജില്ലകളിലായി57 ലക്ഷം പേരെ പ്രളയം ബാധിച്ചു. മിസോറാം, മേഘാലയ, ത്രിപുര എന്നീ സംസ്ഥാനങ്ങളിലും പ്രളയക്കെടുതി തുടരുകയാണ്. മേഘാലയയിൽ159 ഗ്രാമങ്ങളിലായി രണ്ട് ലക്ഷം പേരെ പ്രളയം ബാധിച്ചു. മരണം എട്ടായി. മിസോറാമിൽ 5000പേരെ ദുരിതാശ്വാസ ക്യാമ്പുകളിലേക്ക് മാറ്റി.