19
Sep 2019
Thursday

ചന്ദ്രയാൻ 2; ഐഎസ്‌ആർഒയെ അഭിനന്ദിച്ച് പ്രധാനമന്ത്രി നരേന്ദ്രമോദി

ചന്ദ്രയാൻ രണ്ടിന്റെ വിജയകരമായ വിക്ഷേപണത്തിന് ഐഎസ്ആർഒയെ അഭിനന്ദിച്ച് പ്രധാനമന്ത്രി നരേന്ദ്രമോദി. ചന്ദ്രയാൻ രണ്ടിന്റെ വിജയകരമായ വിക്ഷേപണത്തിന് വേണ്ടി പ്രവർത്തിച്ച ഐഎസ്ആർഒ മേധാവി കെ.ശിവനെയും സംഘത്തെയും അഭിനന്ദിക്കുന്നതായി പ്രധാനമന്ത്രി നരേന്ദ്രമോദി ട്വിറ്ററിലൂടെ അറിയിച്ചു.

ചന്ദ്രയാൻ 2  രാജ്യത്തിന്റെ അഭിമാന ദൗത്യമാണെന്നും പ്രധാനമന്ത്രി പറഞ്ഞു. ചന്ദ്രയാൻ രണ്ടിന്റെ വിക്ഷേപണം വിജയകരമായി നടത്താനായത്
ചരിത്രനേട്ടമാണെന്ന് ഐഎസ്ആർഒ ചെയർമാൻ കെ.ശിവൻ പറഞ്ഞു.

Read Also; ചന്ദ്രയാൻ 2 ഭ്രമണ പഥത്തിൽ; ചരിത്ര നേട്ടത്തിലേക്ക് രാജ്യം

ചന്ദ്രനിലേക്കുള്ള ഇന്ത്യയുടെ ചരിത്രയാത്രയുടെ തുടക്കമാണിതെന്നും ഇതിന് പിന്നിൽ പ്രവർത്തിച്ച എല്ലാ സഹപ്രവർത്തകരെയും അഭിനന്ദിക്കുന്നതായും ഐഎസ്ആർഒ ചെയർമാൻ പറഞ്ഞു. രാജ്യത്തിന്റെ അഭിമാന ദൗത്യമായ ചന്ദ്രയാൻ രണ്ട് ആദ്യഘട്ടം വിജയകരമായി പിന്നിട്ട് മുന്നേറുകയാണ്. ചന്ദ്രയാൻ 2 വഹിച്ചുകൊണ്ടുള്ള ജിഎസ്എൽവി മാർക്ക് 3 റോക്കറ്റ് വിജയകരമായി ആദ്യ ഭ്രമണപഥത്തിലെത്തി. ശ്രീഹരിക്കോട്ടയിലെ സതീഷ് ധവാൻ സ്‌പേസ് സെന്ററിൽ നിന്ന് ഉച്ചയ്ക്ക് 2.43 നാണ് ചരിത്രദൗത്യവുമായി ചന്ദ്രയാൻ 2 ആകാശത്തേക്ക് കുതിച്ചുയർന്നത്.


‘24’ ഇപ്പോള്‍ ടെലിഗ്രാമിലും ലഭ്യമാണ്
വാര്‍ത്തകള്‍ക്കും പുതിയ അപ്‌ഡേറ്റുകള്‍ക്കുമായി ‘ടെലിഗ്രാം ചാനല്‍’ സബ്‌സ്‌ക്രൈബ് ചെയ്യുക.
Join us on Telegram
Top