പാ​ക്കി​സ്ഥാ​നി​ൽ 40 ഭീ​ക​ര​സം​ഘ​ട​ന​ക​ളും 40000 ഭീ​ക​ര​രും പ്ര​വ​ർ​ത്തി​ക്കു​ന്നുണ്ടെ​ന്ന് ഇ​മ്രാ​ൻ ഖാ​ൻ

പാ​ക്കി​സ്ഥാ​നി​ലെ സ​ർ​ക്കാ​രു​ക​ൾ യു​എ​സി​നോ​ടു സ​ത്യം പ​റ​യാ​റി​ല്ലെ​ന്നു പാ​ക്കി​സ്ഥാ​ൻ പ്ര​ധാ​ന​മ​ന്ത്രി ഇ​മ്രാ​ൻ ഖാ​ൻ. ക​ഴി​ഞ്ഞ 15 വ​ർ​ഷ​ത്തി​നി​ടെ ഒ​ട്ടും സ​ത്യം പ​റ​യാ​റി​ല്ലാ​യി​രു​ന്നെ​ന്നു പ​റ​ഞ്ഞ ഇ​മ്രാ​ൻ, 40 ഭീ​ക​ര​സം​ഘ​ട​ന​ക​ൾ പാ​ക്കി​സ്ഥാ​നി​ൽ പ്ര​വ​ർ​ത്തി​ക്കു​ന്നു​ണ്ടെ​ന്നും സ​മ്മ​തി​ച്ചു. യു​എ​സി​ൽ കാ​പ്പി​റ്റ​ൽ ഹി​ൽ റി​സ​പ്ഷ​ൻ ച​ട​ങ്ങി​ൽ സം​സാ​രി​ക്കു​ക​യാ​യി​രു​ന്നു ഇ​മ്രാ​ൻ.

യു​എ​സി​ന്‍റെ ഭീ​ക​ര​ത​യ്ക്കെ​തി​രാ​യ യു​ദ്ധ​മാ​ണു പാ​ക്കി​സ്ഥാ​ൻ ന​ട​ത്തു​ന്ന​ത്. 9/11 ആ​ക്ര​മ​ണ​ത്തി​ൽ പാ​ക്കി​സ്ഥാ​നു യാ​തൊ​രു പ​ങ്കു​മി​ല്ല. അ​ൽ​ക്വ​യ്ദ അ​ഫ്ഗാ​നി​സ്ഥാ​നി​ലാ​ണു പ്ര​വ​ർ​ത്തി​ച്ചി​രു​ന്ന​ത്. പാ​ക്കി​സ്ഥാ​നി​ൽ ഒ​രു താ​ലി​ബാ​ൻ ഭീ​ക​ര​ൻ പോ​ലു​മി​ല്ല. എ​ന്നി​ട്ടും യു​എ​സി​നൊ​പ്പം യു​ദ്ധ​ത്തി​ൽ പ​ങ്കു​ചേ​ർ​ന്നു. കാ​ര്യ​ങ്ങ​ൾ മോ​ശ​മാ​യ​തി​നു പാ​ക് സ​ർ​ക്കാ​രി​നെ മാ​ത്ര​മേ കു​റ്റ​പ്പെ​ടു​ത്താ​ൻ ക​ഴി​യൂ. കാ​ര​ണം പാ​ക്കി​സ്ഥാ​ൻ യു​എ​സി​നോ​ടു സ​ത്യം പ​റ​ഞ്ഞി​രു​ന്നി​ല്ലെ​ന്ന് ഇ​മ്രാ​ൻ പ​റ​ഞ്ഞു.

പാ​ക്കി​സ്ഥാ​നി​ൽ 40 ഭീ​ക​ര​സം​ഘ​ട​ന​ക​ളും 30000-40000 ഭീ​ക​ര​രും പ്ര​വ​ർ​ത്തി​ക്കു​ന്നു​ണ്ട്. അ​തു​കൊ​ണ്ടു ഭീ​ക​ര​ത​യ്ക്കെ​തി​രാ​യ യു​ദ്ധം ജ​യി​ക്കാ​ൻ പാ​ക്കി​സ്ഥാ​നി​ൽ​ നി​ന്നു യു​എ​സ് കൂ​ടു​ത​ൽ പ്ര​തീ​ക്ഷി​ക്കു​ന്നു. പാ​ക്കി​സ്ഥാ​ൻ സ്വ​ന്തം നി​ല​നി​ൽ​പ്പി​നു​വേ​ണ്ടി​യാ​ണ് ഇ​പ്പോ​ൾ പോ​രാ​ടു​ന്ന​തെ​ന്നും ഇ​മ്രാ​ൻ തു​റ​ന്ന​ടി​ച്ചു.

പു​ൽ​വാ​മ​യി​ൽ സി​ആ​ർ​പി​എ​ഫ് ജ​വാ​ൻ​മാ​ർ കൊ​ല്ല​പ്പെ​ട്ട ആ​ക്ര​മ​ണ​ത്തി​ൽ പാ​ക്കി​സ്ഥാ​നു പ​ങ്കി​ല്ല. ആ​ക്ര​മ​ണ​ത്തി​ന്‍റെ ഉ​ത്ത​ര​വാ​ദി​ത്തം പാ​ക്കി​സ്ഥാ​നു​മേ​ൽ കെ​ട്ടി​വ​യ്ക്ക​രു​ത്. ഉ​ത്ത​ര​വാ​ദി​ത്തം ഏ​റ്റെ​ടു​ത്ത ജ​യ്ഷെ മു​ഹ​മ്മ​ദ് സം​ഘ​ട​ന​യു​ടെ പ്ര​വ​ർ​ത്ത​നം പാ​ക്കി​സ്ഥാ​നി​ൽ മാ​ത്ര​മ​ല്ല ഇ​ന്ത്യ​യി​ലു​മു​ണ്ട്. അ​തു​കൊ​ണ്ടു​ത​ന്നെ അ​വ​രു​ടെ പ്ര​ദേ​ശ​ത്തു​ന​ട​ന്ന ഒ​രു ആ​ക്ര​മ​ണ​മാ​യി ഇ​തി​നെ പ​രി​ഗ​ണി​ക്ക​ണ​മെ​ന്നും ഇ​മ്രാ​ൻ ആ​വ​ശ്യ​പ്പെ​ട്ടു.

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top