കുസാറ്റിൽ എസ്എഫ്‌ഐ, കെഎസ്‌യു പ്രവർത്തകർ തമ്മിൽ സംഘർഷം

കുസാറ്റിൽ എസ്എഫ്‌ഐ, കെഎസ്‌യു പ്രവർത്തകർ തമ്മിൽ സംഘർഷം. ഇന്നലെ രാത്രിയാണ് സംഭവം. ഹോസ്റ്റൽ യൂണിയൻ തെരഞ്ഞെടുപ്പിനെ ചൊല്ലിയായിരുന്നു സംഘർഷം. സംഘർഷത്തിൽ നാല് പേർക്ക് പരിക്കേറ്റു.

കെഎസ്‌യു പ്രവർത്തകരായ ഉനൈസ്, അൻസാർ, ജഗത്, സുമിൻ എന്നിവർക്കാണ് പരിക്കേറ്റത്. ഇവർ സ്വകാര്യ ആശുപത്രിയിൽ ചികിത്സയിലാണ്. ബിടെക് വിദ്യാർഥികളുടെ ഹോസ്റ്റൽ ഭാരവാഹി തെരഞ്ഞെടുപ്പുമായി ബന്ധപ്പെട്ട തർക്കമാണ് സംഘർഷത്തിൽ കലാശിച്ചത്. തെരഞ്ഞെടുപ്പിൽ കെഎസ്‌യു വിജയിച്ചിരുന്നു.

സംഘർഷത്തെ തുടർന്ന് സർവകലാശാലയിലെ സ്‌കൂൾ ഓഫ് എൻജിനീയറിംഗ് അടുത്ത ബുധനാഴ്ച വരെ അടച്ചു.