എം.പി മാർ സമുദായത്തിന്റെ വികാരം അറിയണം; അബ്ദുൾ വഹാബിനെതിരെ യൂത്ത് ലീഗ് യോഗത്തിൽ വിമർശനം

മുത്തലാഖ് ചർച്ചയിൽ പങ്കെടുക്കാതിരുന്നതുമായി ബന്ധപ്പെട്ട് പി.വി അബ്ദുൾ വഹാബ് എം.പിക്കെതിരെ യൂത്ത് ലീഗ് യോഗത്തിൽ രൂക്ഷവിമർശനം. എം.പി മാർ പാർലമെന്റിൽ ഹാജരാകുന്നില്ലെന്നും ഇത് കുറ്റകരമായ അനാസ്ഥയാണെന്നും യോഗത്തിൽ വിമർശനമുയർന്നു. മുസ്ലീം വിഷയങ്ങളിൽ എംപിമാരുടെ ഇടപെടൽ ഇല്ല. സമുദായത്തിന്റെ വികാരം എം.പി മാർ അറിയണം.

ഇക്കാര്യങ്ങൾ ഹൈദരലി തങ്ങളുടെ ശ്രദ്ധയിൽപ്പെടുത്തുമെന്നും യൂത്ത് ലീഗ് നേതൃത്വം പറഞ്ഞു. രാജ്യസഭയിൽ മുത്തലാഖ് ബിൽ ചർച്ചയിൽ പി.വി അബ്ദുൾ വഹാബ് പങ്കെടുത്താതിരുന്നതാണ് യൂത്ത് ലീഗിന്റെ പ്രതിഷേധത്തിനിടയാക്കിയത്. അബ്ദുൾ വഹാബിനെതിരെ പ്രതിഷേധവുമായി യൂത്ത് ലീഗ് ദേശീയ വൈസ് പ്രസിഡന്റ് പാണക്കാട് മൊയീൻ അലി ശിഹാബ് തങ്ങൾ നേരത്തെ രംഗത്ത് വന്നിരുന്നു.