സിംബാബ്‌വെ ചീഞ്ഞത് നൈജീരിയക്കു വളമായി; ലോകകപ്പ് യോഗ്യതാ മത്സരം കളിക്കാനൊരുങ്ങി ആഫ്രിക്കൻ രാജ്യം

ക്രിക്കറ്റ് ബോർഡിൽ രാഷ്ട്രീയം കളിക്കുന്ന എന്ന ആരോപണമുയർത്തി സിംബാബ്‌വെ ക്രിക്കറ്റിനെ ഐസിസി സസ്പൻഡ് ചെയ്തത് ഈ അടുത്തിടെയാണ്. സിംബാബ്‌വെയെ പുറത്താക്കിയതോടെ നേട്ടമായത് നൈജീരിയ ക്രിക്കറ്റിനാണ്. 2020 ട്വന്റി-20 ലോകകപ്പ് യോഗ്യതറൗണ്ടില്‍ പതിനാലാമത്തെ ടീമായിട്ടാണ് നൈജീരിയ ഇടംപിടിച്ചത്.

ലോകകപ്പ് യോഗ്യതയ്ക്കുള്ള ആഫ്രിക്കന്‍ റൗണ്ടില്‍ നൈജീരിയ മൂന്നാമതായിരുന്നു. നമീബിയ, കെനിയ ടീമുകള്‍ക്ക് നേരത്തെ തന്നെ യോഗ്യത ലഭിച്ചിരുന്നു. ആഫ്രിക്കയിൽ നിന്നുള്ള സിംബാബ്‌വെ സസ്പൻഡ് ചെയ്യപ്പെട്ടതോടെയാണ് അതേ ഭൂഖണ്ഡത്തിൽ നിന്നുള്ള നൈജീരിയക്ക് അവസരം ലഭിച്ചത്. ആദ്യമായിട്ടാണ് നൈജീരിയ ഒരു പ്രധാന ഐസിസി ടൂര്‍ണമെന്റില്‍ കളിക്കുന്നത്.