അസുരൻകുണ്ട് ഡാം തുറക്കുന്നു; ജാഗ്രത പാലിക്കണമെന്ന് നിർദേശം

തൃശൂർ അസുരൻകുണ്ട് ഡാം തുറക്കുന്നു. ജനങ്ങൾ ജാഗ്രത പാലിക്കണമെന്ന് ജില്ലാ ഭരണകൂടം നിർദേശിച്ചു. കാലവർഷം ശക്തി പ്രാപിച്ചതിനാലും ജലനിരപ്പ് ക്രമാതീതമായി ഉയരുന്നതിനാലും അസുരൻകുണ്ട് ഡാമിലെ ജലനിരപ്പ് 8.2 മീറ്ററായി നിലനിർത്തി സർപ്ലസ് ഷട്ടറുകൾ പകൽ തുറക്കുന്നതിന് ജില്ലാ കളക്ടർ അനുമതി നൽകി.

ഡാം തുറന്നുവിടുന്നതു മൂലം പുഴയിലെ ജലനിരപ്പ് ക്രമാതീതമായ ഉയരാൻ സാധ്യതയുള്ളതിനാൽ പുഴയിൽ മത്സ്യബന്ധനത്തിനും മറ്റ് അനുബന്ധപ്രവൃത്തികൾക്കും നിയന്ത്രണം ഏർപ്പെടുത്തി.