ഇടുക്കിയിൽ 30 ശതമാനം വെള്ളം മാത്രം; വ്യാജ വാർത്തകൾ പ്രചരിപ്പിക്കരുതെന്ന് കെഎസ്ഇബി

ഇടുക്കി ഡാമിലെ ജലനിരപ്പിനെ സംബന്ധിച്ച് സോഷ്യൽ മീഡിയയിൽ പ്രചരിക്കുന്ന വാർത്തകൾ തള്ളി കെഎസ്ഇബി. ഇ​ടു​ക്കി ഉ​ൾ​പ്പെ​ടെ​യു​ള​ള വ​ൻ​കി​ട ഡാ​മു​ക​ൾ തു​റ​ന്നു​വി​ട്ടു എ​ന്ന ത​ര​ത്തി​ൽ പ്രചരിക്കുന്ന വാ​ർ​ത്ത​ക​ൾ തെ​റ്റാ​ണെ​ന്ന് കെഎസ്ഇബി വി​ശ​ദീ​ക​രി​ച്ചു. വ്യാജ വാർത്തകൾ പ്രചരിപ്പിക്കരുതെന്നും തങ്ങളുടെ ഔദ്യോഗിക ഫേസ്ബുക്ക് പേജിൽ പോസ്റ്റ് ചെയ്ത കുറിപ്പിലൂടെ കെഎസ്ഇബി അറിയിച്ചു.

‘KSEB യുടെ ഇടുക്കി, പമ്പ, കക്കി, ഷോളയാർ, ഇടമലയാർ, കുണ്ടള, മാട്ടുപ്പെട്ടി എന്നീ വൻകിട ഡാമുകളിലെല്ലാം കൂടി നിലവിൽ 30% ത്തിൽ താഴെ വെള്ളമേയുള്ളൂ. (ഇടുക്കിയിൽ വെറും 30% മാത്രമാണ് ഇന്നത്തെ ജലനിരപ്പ്) ഈ ഡാമുകൾ എല്ലാം തുറന്നു വിട്ടു എന്ന നിലയിൽ വ്യാജ പ്രചാരണം സാമൂഹിക മാധ്യമങ്ങളിൽ നടക്കുന്നതായി ശ്രദ്ധയിൽപ്പെ ട്ടിട്ടുണ്ട്. ചില ചെറുകിട ഡാമുകൾ മാത്രമാണ് തുറന്നു വിടേണ്ടി വന്നിട്ടുള്ളത്. മൊത്തത്തിൽ ഡാമുകൾ തുറന്നു വിട്ടു എന്ന രീതിയിലുള്ള സന്ദേശങ്ങൾ പ്രചരിപ്പിക്കരുത് എന്ന് അഭ്യർത്ഥിക്കുന്നു.’- ഫേസ്ബുക്ക് പോസ്റ്റിലൂടെ കെഎസ്ഇബി പറയുന്നു.

നിലവിൽ വലിയ ഡാമുകൾ തുറക്കേണ്ട സാഹചര്യമില്ലെന്ന് വൈദ്യുത മന്ത്രി എംഎം മണിയും പ്രതികരിച്ചു. നിലവിൽ ആശങ്ക വേണ്ടെന്നും അതിതീവ്ര മഴ തുടർന്നാൽ മാത്രമേ ഡാമുകൾ തുറക്കേണ്ട സാഹചര്യം ഉള്ളൂ എന്ന് മുഖ്യമത്രി പിണറായി വിജയനും അറിയിച്ചു.