കവളപ്പാറയിൽ വീണ്ടും ഉരുൾപൊട്ടൽ

മലപ്പുറം കവളപ്പാറയിൽ വീണ്ടും ഉരുൾപൊട്ടൽ. രക്ഷാപ്രവർത്തനം രാവിലെ പുനരാരംഭിച്ചതിന് പിന്നാലെയാണ് മലയുടെ മറുഭാഗത്ത് വീണ്ടും ഉരുൾപൊട്ടലുണ്ടായത്. ഇതോടെ രക്ഷാപ്രവർത്തനം നിർത്തിവച്ചതായാണ് സൂചന. പ്രതികൂല കാലാവസ്ഥയും കനത്ത മഴയും രക്ഷാപ്രവർത്തനത്തിന് ദുഷ്‌കരമായിട്ടുണ്ട്.

തിരച്ചിലിനിടെ മൂന്നു മൃതദേഹങ്ങൾ കണ്ടെടുത്തു. കനത്ത മഴയെതുടർന്ന് നിർത്തിവച്ച തിരച്ചിൽ സൈന്യത്തിന്റെ നേതൃത്വത്തിൽ രാവിലെയാണ് പുനരാരംഭിച്ചത്. ഇതിനിടെയാണ് ഉരുൾപൊട്ടലുണ്ടായത്. എന്നാൽ ആളപായം ഉണ്ടായതായി റിപ്പോർട്ടില്ല.