വിശാഖപട്ടണത്ത് കപ്പലിന് തീ പിടിച്ച് ഒരാളെ കാണാതായി

വിശാഖപട്ടണത്ത്  കപ്പലിന് തീപിടിച്ച് ഒരാളെ കടലിൽ കാണാതായി. കോസ്റ്റൽ ജാഗ്വാർ എന്ന കപ്പലിനാണ് തീ പിടിച്ചത്. സ്‌ഫോടനത്തെ തുടർന്നായിരുന്നു തീ പിടുത്തം. 29 ജീവനക്കാരാണ് കപ്പലിലുണ്ടായിരുന്നത്.

രക്ഷപ്പെടാനായി കടലിൽ ചാടിയ 28 പേരെ കോസ്റ്റ്ഗാർഡ് കപ്പലെത്തി രക്ഷപ്പെടുത്തി. ഒരാളെ കടലിൽ കാണാതാകുകയായിരുന്നു. കാണാതായ ആൾക്കായി തിരച്ചിൽ തുടരുകയാണ്. നാവികസേനയുടെ ഹെലികോപ്റ്റർ അടക്കമുപയോഗിച്ചാണ് തിരച്ചിൽ നടക്കുന്നത്. തീ പിടുത്തത്തിന് കാരണമെന്താണെന്ന് വ്യക്തമായിട്ടില്ല.