ബോളിവുഡ് ഗാനത്തിനു ചുവടു വെച്ച് അർജന്റൈൻ ഫുട്ബോൾ താരം; വാറ്റ്ഫോർഡ് എഫ്സിയുടെ സ്വാതന്ത്ര്യ ദിനാശംസ വൈറൽ: വീഡിയോ

ഷാരൂഖ് ഖാൻ്റെ സൂപ്പർ ഹിറ്റ് ഗാനത്തിനു ചുവടു വെച്ച് അർജന്റൈൻ ഫുട്ബോൾ താരം റോബര്‍ട്ടോ പെരേയ്ര. ഇംഗ്ലണ്ട് ക്ലബ് വാറ്റ്ഫോർഡ് എഫ്സിയുടെ താരമായ പെരേയ്ര ഇന്ത്യക്ക് സ്വാതന്ത്ര്യ ദിനാശംസകൾ നേർന്നു കൊണ്ടുള്ള ക്ലബിൻ്റെ വീഡിയോയിലാണ് ഗാനത്തിനു ചുവട് വെച്ചത്. നടിയും മോഡലുമായ രാധിക ബാംഗിയക്കൊപ്പമായിരുന്നു പെരേയ്രയുടെ ഡാൻസ്.

‘ബാസിഗർ’ എന്ന സിനിമയിലെ ‘ബാസിഗർ ഓ ബാസിഗർ’ എന്ന ഗാനത്തിനു വേണ്ടിയായിരുന്നു ഇരുവരും ചുവടുവെച്ചത്. വാറ്റ്ഫോർഡിൻ്റെ ഹോം ഗ്രൗണ്ടിലായിരുന്നു സംഭവം. തങ്ങളുടെ ഔദ്യോഗിക ഫേസ്ബുക്ക് പേജിലൂടെ താരത്തിൻ്റെ ഡാൻസ് വീഡിയോ ക്ലബ് പുറത്തു വിട്ടിട്ടുണ്ട്. വീഡിയോ സോഷ്യൽ മീഡിയയിൽ തരംഗമാവുകയാണ്.

മിഡ്ഫീല്‍ഡറായും ഫോര്‍വേഡായും കളിക്കുന്ന താരമാണ് റോബര്‍ട്ടോ പെരേയ്ര. 2014 ല്‍ യുവന്റസിനു വേണ്ടി കളിച്ചിട്ടുള്ള ഇദ്ദേഹം 2016 ലാണ് വാറ്റ്ഫോര്‍ഡില്‍ എത്തുന്നത്.


‘24’ ഇപ്പോള്‍ ടെലിഗ്രാമിലും ലഭ്യമാണ്
വാര്‍ത്തകള്‍ക്കും പുതിയ അപ്‌ഡേറ്റുകള്‍ക്കുമായി ‘ടെലിഗ്രാം ചാനല്‍’ സബ്‌സ്‌ക്രൈബ് ചെയ്യുക.
Join us on Telegram
Top