ബ്രാഡ് ഹാഡിൻ സൺ റൈസേഴ്സിന്റെ സഹപരിശീലകൻ

മുൻ ഓസ്ട്രേലിയൻ വിക്കറ്റ് കീപ്പർ ബ്രാഡ് ഹാഡിൻ ഐപിഎൽ ടീമായ സൺ റൈസേഴ്സ് ഹൈദരാബാദിൻ്റെ സഹപരിശീലകനായി ചുമതലയേറ്റു. സൺ റൈസേഴ്സ് തങ്ങളുടെ ഔദ്യോഗിക സോഷ്യൽ മീഡിയ അക്കൗണ്ടുകളിലൂടെ ഇക്കാര്യം അറിയിച്ചിട്ടുണ്ട്.

2018 മുതൽ മുൻ മെൽബൺ റെനഗേഡ്സ് പരിശീലകനായ സൈമൺ ഹെൽമട്ടായിരുന്നു ‌സൺ റൈസേഴ്സ് ഹൈദരാബാദിന്റെ സഹപരിശീലകൻ. ഹെൽമട്ട് ഈ‌ സ്ഥാനം ഒഴിഞ്ഞതിന് പിന്നാലെയാണ് ഹാഡിൻ ഇപ്പോൾ ടീമിലേക്കെത്തുന്നത്.

2015 ലോകകപ്പ് നേടിയ ടീമിലെ അംഗമായിരുന്ന ഹാഡിൻ 2011 ലെ ഐപിഎല്ലിൽ കൊൽക്കത്ത നൈറ്റ് റൈഡേഴ്സിന്റെ താരമായിരുന്നു. പരിശീല റോളിലുള്ള ഹാഡിൻ്റെ ആദ്യ ഇന്നിംഗ്സാണിത്.