പ്രളയസമയത്ത് ബന്ധുക്കളുടെയും സുഹൃത്തുക്കളുടെയും വീടുകളില്‍ താമസിച്ചവരെയും ദുരിത ബാധിതരായി കണക്കാക്കി സര്‍ക്കാര്‍ ഉത്തരവ്

പ്രളയ സമയത്ത് ക്യാമ്പുകളില്‍ താമസിച്ചവര്‍ക്കു പുറമേ ബന്ധുവീടുകളിലും, സുഹൃത്തുക്കളുടെ വീടുകളിലും താമസിച്ചവരെയും ദുരിത ബാധിതരായി പ്രഖ്യാപിച്ച് സര്‍ക്കാര്‍ ഉത്തരവിറക്കി.

മുന്‍പ് ക്യാമ്പുകളില്‍ താമസിച്ചവരെ മാത്രമായിരുന്നു ദുരിതബാധിതരുടെ പട്ടികയില്‍ പെടുത്തിയത്. ഇതിനെതിരെ വിമര്‍ശനമുയര്‍ന്ന സാഹചര്യത്തിലാണ് സര്‍ക്കാര്‍ നടപടി. ഒറ്റയ്ക്കും കുടുംബമായും ക്യാമ്പില്‍ രജിസ്റ്റര്‍ ചെയ്ത തൊഴിലാളികളെയും സര്‍ക്കാര്‍ ദുരിതബാധിതരുടെ പട്ടികയില്‍ ഉള്‍പ്പെടുത്തിയിട്ടുണ്ട്‌.