ഹിന്ദു രാജ്യത്ത് ഹലാൽ മാംസം നൽകുന്നു; ‘മക്ഡൊണാൾഡ്സ്’ ബഹിഷ്കരിക്കണമെന്നാവശ്യപ്പെട്ട് ട്വിറ്ററിൽ ക്യാമ്പയിൻ

പ്രമുഖ ഭക്ഷണ വിതരണ ആപ്പായ സൊമാറ്റോയ്ക്കു ശേഷം ഫാസ്റ്റ് ഫുഡ് കമ്പനിയായ മ​ക്ഡൊ​ണാ​ൾ​ഡ്സിനു നേരെയും ബഹിഷ്കരണ ക്യാമ്പയിൻ. ട്വിറ്ററിലൂടെയാണ് ബഹിഷ്കരണ ക്യാമ്പയിൻ പ്രചരിക്കുന്നത്. ഹ​ലാ​ൽ മാം​സം മാത്രമേ  ത​ങ്ങ​ൾ ഉ​പ​യോ​ഗി​ക്കാ​റു​ള്ളു എന്ന് കമ്പനി വ്യക്തമാക്കിയതാണ് പ്രതിഷേധത്തിന് കാരണം.

മ​ക്ഡൊ​ണാ​ൾ​ഡ്സിന്റെ ഇ​ന്ത്യ​യി​ലെ റെ​സ്റ്റോ​റ​ന്‍റു​ക​ൾ​ക്ക് ഹ​ലാ​ൽ സ​ർ​ട്ടി​ഫി​ക്ക​റ്റു​ണ്ടോ എ​ന്ന ഒ​രു ഉ​പ​ഭോ​ക്താ​​വിന്റെ സംശയത്തിന് മറുപടി നൽകുകയായിരുന്നു കമ്പനി. ത​ങ്ങ​ളു​ടെ എ​ല്ലാ റ​സ്റ്റോ​റ​ന്‍റു​ക​ൾ​ക്കും ഹ​ലാ​ൽ സ​ർ​ട്ടി​ഫി​ക്ക​റ്റു​ണ്ടെ​ന്നും ഗു​ണ​നി​ല​വാ​ര​മു​ള്ള മാം​സം മാ​ത്ര​മേ തങ്ങൾ ഉ​പ​യോ​ഗി​ക്കാ​റു​ള്ളൂ​ എന്നും കമ്പനി മറുപടി നൽകി. ഇതിന് പിന്നാലെയാണ് ഒ​രു വി​ഭാ​ഗം ട്വിറ്റർ ഉപഭോക്താക്കൾ പ്ര​തി​ഷേ​ധ‌വുമായി രം ഗത്തെത്തിയത്.

Thank you for taking the time to contact McDonald’s India. We truly appreciate this opportunity to respond to your comments.
The meat that we use, across our restaurants, is of the highest quality and is sourced from government-approved suppliers who are HACCP certified. (1/2)

— McDonald’s India (@mcdonaldsindia) August 22, 2019

All our restaurants have HALAL certificates. You can ask the respective restaurant Managers to show you the certificate for your satisfaction and confirmation. (2/2)

— McDonald’s India (@mcdonaldsindia) August 22, 2019

‘ബോയ്ക്കോട്ട് മക്ഡൊണാൾഡ്സ്’ എന്ന ഹാഷ്ടാ​ഗ് അടക്കമാണ് പ്രതിഷേധം. ഹി​ന്ദു​ക്ക​ൾ അ​ധി​ക​മു​ള്ള പ്ര​ദേ​ശ​ങ്ങ​ളി​ൽ ഹ​ലാ​ൽ ഭക്ഷണം മാ​ത്രം ന​ൽ​കു​ന്ന​തു പ്ര​തി​ഷേ​ധാ​ർ​ഹ​മാ​ണെ​ന്നാണ് ഇവരുടെ വാദം. ഇന്ത്യയിലെ മുസ്ലീം ഇതര വിഭാ​ഗങ്ങളിലുള്ളവർ നിങ്ങളുടെ ഭക്ഷണം കഴിക്കേണ്ടെന്നാണോ മനസ്സിലാക്കേണ്ടതെന്നും ചിലർ ചോദിക്കുന്നു.

നേരത്തെ അ​ഹി​ന്ദു​വാ​യ ഡെ​ലി​വ​റി ബോ​യ് ഡെലിവർ ചെയ്ത ഭക്ഷണം നിരസിച്ച ഉപഭോക്താവിനോട് ഭ​ക്ഷ​ണ​ത്തി​നു മ​ത​മി​ല്ലെ​ന്ന് പ്രഖ്യാപിച്ച സൊ​മാ​റ്റോയും സമാന പ്രതിഷേധം നേരിട്ടിരുന്നു. അപ്പോഴും ഹലാൽ ഭക്ഷണം എന്നത് ചൂണ്ടിക്കാട്ടിയായിരുന്നു ട്വിറ്റർ ക്യാമ്പയിൻ. ഒരു മതവിഭാഗത്തെ മാത്രം സൊമാറ്റോ പിന്തുണയ്ക്കുന്നു എന്ന നിലയ്ക്കായിരുന്നു പ്രതിഷേധം.